Ujuni 17:12 - Mankanya

¹² Kë ţi kntaali ki ikbukuŋ, napoţ ñiinţ anwooŋ awo kawala kaŧëmp ţi ŋnuur bakreŋ, kaţu na bambukiiŋ ţi itohan këme biki nanuguŋ nug du ñaaŋ aloŋ nayaanţ, anwooŋ aanwo i pntaali pi nan.

Ujuni 17:12 ပူးပေါင်းရင်းမြစ်များ

Ujuni 17:23

Unuur mënţ, Abraham ajej Işmayel abukul, na bañaaŋ bŧi bambukiiŋ ţi katohul na biki anuguŋ nug, bañaaŋ biinţ bŧi banwooŋ ţi katohul awalan baka kaŧëmp jibi Naşibaţi ajakuluŋ ado.

Ujuni 21:4

Wi Iŧaak abukul adoluŋ ŋnuur bakreŋ, kë Abraham aşë do jibi Naşibaţi ajakuluŋ, awalana kaŧëmp.

Ppën 12:44

Kë nalemp annuganiiŋ na itaka, woli awala kaŧëmp ahilan kade wa.

Ppën 22:30

« Nawo pa nji bañaaŋ bayimanaan, ukaaŋ kë naankde uyemaţ wi unŧaam wi uko wi uţeeh ufiŋuŋ, nafëlan ŋbuş uyemaţ mënţ. »

Bgah 12:3

Unuur uţënk bakreŋ bawalan napoţ kaŧëmp.

Luk 1:59

Unuur uţënk bakreŋ, babi pwalan napoţ kaŧëmp, kaşë kaţu'a katim ki aşin : Ŧakariya.

Luk 2:21

Ţi unuur uţënk bakreŋ, wal wi pwala kaŧëmp pi napoţ ubani. Kë baţu'a katim ki Yeŧu, jibi uwanjuŧ uţupuŋ Mariya, wi awooŋ aandobi wo na kayiŋ.

Ulemp 7:8

Wal mënţan wi wi adoluŋ bhoŋar bi na Abraham, aţeŋanaan ba pwala kaŧëmp, ukaaŋ kë wi abukuŋ Iŧaak, kë awalana kaŧëmp wi akaaŋ ŋnuur bakreŋ. Kë hënk di di Iŧaak adolaŋ wi abiiŋ abuk Yakob, kë Yakob adola haŋ na babukul banwooŋ bateemun iñeen na batëb bammeeţaniiŋ.

Baromeŋ 2:28

Mënţ pwala kaŧëmp pakkaaŋ ñaaŋ awo nayuday na manjoonan, kë kaŧëmp kaanwo uko unkwinaniiŋ ţi kaara.

Filipiya 3:5

Nji i bawalanuŋ kaŧëmp wi mbukiiŋ ado ŋnuur bakreŋ, dwo i pntaali pi Iŧrayel, i pşini pi Benyamin, dwo na hebërë abuk nahebërë. Ţi uko wi pţaş bgah dwo nafariŧay.