32 Kë ŋdeey ŋloŋ ŋaşë wo ŋaanŧokaa ţiki ŋaji ŋajon ude.
Nawat Kabuka aji na Moyiŧ : « Deeŋan kañen ţi Ejiptu, ido ŋguul ŋabi ţi uŧaak, ŋade ujaagal, ugof na mnko bŧi mi mpoj mandukuŋ. »
Moyiŧ adeeŋ kañen du baţi kë bdëm bweek başë wun Ejiptu bŧi, ado ŋnuur ŋwajanţ.
Ŋawun mboş, maando kak awinana. Ŋade iko indukiiŋ wi mpoj manjotuŋ na mnko manwooŋ du ŋţeehan.
Mngof manaamuŋ na bmuuţ na mannaamuŋ na umaanan mankeţi.
Moyiŧ apën du uko Farawuna, apën ţi ubeeka, aşë deeŋ iñen du Nawat Kabuka añehana, kë imparantant na mpoj ibot aţañan kë uşubal uţañan pşub.
