Ppën 6:7 - Mankanya

⁷ Ddolan nawo pntaali pi naan, nji nşë wo Naşibaţi i nan. Name wal mënţ kë nji dwooŋ Nawat Kabuka, Naşibaţi i nan ankpënananaŋ ţi ŋlemp ŋi biki Ejiptu baţu'anaŋ.

Ppën 6:7 ပူးပေါင်းရင်းမြစ်များ

Ujuni 26:3

Ţoon ţi uŧaak wi, dwo na iwi kabot kawulu bnuura. Aa, dwulu mboş mi ŋŧaak ŋi bŧi iwi na pntaali pankpënnuŋ ţi iwi. [Hënk] ddo wal mënţ kahoŋ ki mbiiŋ ado Abraham şaaş.

Ujuni 28:13

Kë Yawe Nawat Kabuka aşë pën awinana aji : « Nji dwooŋ Yawe Nawat Kabuka, Naşibaţi i Abraham ateemu na Iŧaak bajaaŋ badëman. Mboş mi ipiinţuŋ mi dwulu ma iwi na pntaali pankpënnuŋ ţi iwi.

Ppën 13:14

« Woli babukan baluŋ aheparan uko unkayi kë nakdo uko mënţ, naji na baka : “Mnhina mi kañen ki Nawat Kabuka mampënanuŋ un du Ejiptu, apënan un ţi pjuuk pi ulemp.

Ppën 13:3

Moyiŧ aji na biki Iŧrayel : « Naleşan unuur wi, unuur wi napënnuŋ du Ejiptu, apën ţi pjuuk pi ulemp ; mnhina mi kañen ki Yawe Nawat Kabuka mampënananaŋ da. Unuur mënţ nin ñaaŋ aankde ipoom innaţiiŋ.

Ppën 14:18

Bañaaŋ biki Ejiptu bame kë nji dwooŋ Nawat Kabuka, wal wi mndëm mi naan mankwinaniiŋ wi nji kakobuŋ Farawuna, ŋkaaru ŋi ŋmpëlënŧ ŋi nul na bandapiiŋ ŋmpëlenŧ. »

Ppën 14:4

Kë nji nşë dënëţëna uhaaş, adoo anaţa pdookar na an ; ul na bangoli biki nul bado mndëm mi naan manwinana ţi uko wi nji kadoluŋ baka, bañaaŋ biki Ejiptu bame kë nji dwooŋ Nawat Kabuka. » Kë biki Iŧrayel bado uko mënţ.

Ppën 15:16

Manţaaf na phaajala manwo ţi baka bŧi, udo uñoŋarënaan wi Nawat Kabuka udo baka kë balënk aŧiim ji plaak ţi uţëp pntaali pi nu, iwi Nawat Kabuka, ţi uţëp pntaali pi ibuuranuŋ.

Ppën 15:2

« Nawat Kabuka abuuranaanuŋ awooŋ mnhina, akaaŋ kë nji kayeeh ul awooŋ Naşibaţi i naan, dyeeha kadëmana, ul Naşibaţi i paapa ajaaŋ adëman.

Ppën 16:12

« Dŧiink pŋur ŋuran pi babuk Iŧrayel, ţiiniin na baka iji na baka kë : Na ujot unuur bade uyemaţ na nfa bade pde kayok. Bame wal mënţ kë nji dwooŋ Yawe Nawat Kabuka Naşibaţi i baka. »

Ppën 16:6

Moyiŧ na Aaron baji na bañaaŋ biki Iŧrayel bŧi : « Na uŧejan wi nţa wi name kë Nawat Kabuka apënananaŋ du Ejiptu.

Ppën 2:11

Moyiŧ adëm akëş ñiinţ, apën unuur uloŋ aya pwin bahebërë bayiţul aşë win ulemp utam wi baţuuŋ baka. Awin aloŋ i Ejiptu kë akkob nahebërë ;

Ppën 6:6

« Ukaaŋ kë ikya kaji na biki Iŧrayel : “Nji dwooŋ Nawat Kabuka, dpënanan ţi ŋlemp ŋi biki Ejiptu baţu'anaŋ, dpënanan ţi pjuuk pi baţu'anaŋ. Dbuuranan na mnhina mi kañen naan, biki uŧaak mënţ bame wal mënţ kë nji dwooŋ Nawat Kabuka.

Ppën 7:17

Nawat Kabuka aţiini aji : “Uko wi, ukţuuŋ ime kë dwo Nawat Kabuka : dkob pmul pi mmëbanuŋ pi ţi meel mi bdëk manşë mankak pñaak.

Bgah 11:44

Nji dwooŋ Yawe Nawat Kabuka Naşibaţi i nan, mnwo mi nan manwoon mnwo mnyimanaan ţiki nji dyimani. Nawutan kaţopan ŋleefan na ŋko ŋankţuuriiŋ ţi mboş.

Bgah 11:45

Nji dwooŋ Yawe Nawat Kabuka, andolanaŋ kë napën du uŧaak wi Ejiptu, kawo Naşibaţi i najaaŋ nadëman naşë nayiman ţiki nji dyimani.

Maci 22:32

“Dwo Naşibaţi i Abraham, i Iŧaak, na i Yakob.” » Yeŧu akak aji na baka : « Naşibaţi awo i bañaaŋ bajeb, aanwo i bankeţuŋ. »

Baromeŋ 8:31

Kë we wi ŋwooŋ kaţup ţi uko mënţ bŧi ? Woli Naşibaţi awo na nja, aloŋ ahinan kaşoor nja i ?

Bahebërë 11:16

Kë başë bi ŋal uŧaak unnuurnaaniiŋ, uwooŋ uŧaak wi baţi. Uko mënţ ukaaŋ kë Naşibaţi aankowa pdo kadu'ana Naşibaţi i baka, aboman baka ubeeka.

1 Piyeer 2:10

An nanwooŋ naanwo ţfa pntaali pi Naşibaţi nawo hënkuŋ pntaali pi nul. Aambi ñagi'an ţfa aşë ñagi'an hënkuŋ.

Uko wi ayuujuŋ Yowan 21:3

Dŧiink wal mënţ pdiim pweek pampënnuŋ du pţij pi pşih aji : « Katoh ki Naşibaţi akfëţuŋ na bañaaŋ kii ki. Awo da na baka, bawo pntaali pi nul, ul ţi uleeful aşë wo Naşibaţi i baka.

Uko wi ayuujuŋ Yowan 21:7

Ampokuŋ buţaan ayeenk uko mënţ. Nji dwo Naşibaţi i nul, ul aşë wo abuk naan.