Nawat Kabuka, in awooŋ ji iwi ţi ŋnŧoŋ ? In ayimanuŋ pyiman pweek pi iyimanuŋ ? In ajaaŋ ado iko iñoŋarënaan maakan iŧënţ yi nu ? Iwi injaaŋ kdo iko inuura maakan.
Iinkŋup ţi kadun ki biki bajaaŋ bado Naşibaţi abot awo iinkdo kalempar baka. Iinkdo iko yi bañaaŋ biki ŋŧaak mënţ bajaaŋ bado. Iŧok itu yi ŋŧoŋ ŋi baka kabot kaŧok mnlaak mi banaţanuŋ ji mpej.
Baŧaran apën ţi bgah bi nţuuŋ baka, baţak ubay, aŋup adëman wa abot ado iţeŋan aşë ji : “Iŧrayel, uko wi uwooŋ Naşibaţi i nja, wul upënanuŋ nja du Ejiptu.” »
Wal mënţ kë Yeŧu aşë ji na wa : « Ŧatana, ţëpan iya ! Upiiŧana aji : “Ajugun, Naşibaţi i nu ţañ i i iwooŋ kadëman, kë ul ţañ i i iwooŋ kado kalempar.” »
Ţi uko wi pde uyemaţ wi mngur keeri, ŋme kë iko yi bañaaŋ bajaaŋ badëman kawo wo ji iwo Naşibaţi iinwo nin uko uloŋ ţi umundu, kë Naşibaţi awoha aloolan.
kë nja ŋşë fiyaar kë Naşibaţi awoha aloolan, Aşin nja a ; iko bŧi iwoona du a, kë ul akaaŋ kë ŋka ubida. Kë Ajugun aloolan awohaŋ, Yeŧu Kriŧtu a, iko bŧi iţëpna ţi a, kë nja ŋkak aţëpna ţi a aka ubida.
Hënk di uwooŋ, nameen wa bnuura, nin ñaaŋ anjaaŋ ajuban pjuban pi piinţ, kawo ţi ubida uţop aankluŋ kaneej du Pşih pi Kriŧtu na Naşibaţi. Ñaaŋ ankaaŋ aji ñeebar iko aankak aluŋ kaneej du pa, ţiki aji dëman iko yuŋ kawo ji Naşibaţi i i akdëmanuŋ.
Babaañşaan du bdoo. Mënţ Naşibaţi i i bafiyaaruŋ, iyiŋ yi baka yi yi bafiyaaruŋ. Baji baŧaŋar uko unwooŋ kawo lah mnkow pa baka, bukal banţuuŋ ŋhaaş ŋi baka bŧi ţi iko yi mboş.
Wal mënţ kë nşë jot ţi ihoţ yi wa kadëman wa. Kë uşë ji na nji : « Ţaafaraan kado uko wi ! Dji kalempar Naşibaţi ji iwi na bayiţu bammëbanuŋ uţup wi Yeŧu. Naşibaţi i i iwooŋ kadëman ! Uţup wi Yeŧu wi wi Naşibaţi aţuuŋ ţi baţuparul. »
kë uşë ji na nji : « Ţaafaraan kado uko wi ! Dji kalempar Naşibaţi ji iwi na baţupar Naşibaţi bŧi na bañaaŋ bŧi bankmëbanuŋ ŋţup ŋi ulibra wi. Naşibaţi i i iwooŋ kadëman. »
