25 Awin bañaaŋ biki Iŧrayel na mnhaj mi baka.
Yawe Nawat Kabuka aji yeŋ bañaaŋ baŧool, kë bañaaŋ banjaaŋ bado buţaan başë luŋ kaneem.
Iŋalën ukaaŋ kë nlilan maakan aki ; iwin mnhaj mi naan, ime unoor wi uhaaş wi naan.
Naşih aloŋ nahalu anwooŋ aambaaŋ kaŧiinkaara uko wi Yoŧef apaya pşih ţi Ejiptu.
Moyiŧ akakalëş ayootanul iko bŧi yi Nawat Kabuka adoluŋ Farawuna na bañaaŋ biki Ejiptu abuuranaan Iŧrayel. Aţupa kak unoor bŧi wi bakaaŋ ţi bgah, na jibi apënanuŋ baka ţi wa.
Jibi nŧiinkuŋ ŋwooni ŋi bañaaŋ biki Iŧrayel kë ŋaban ţi nji abot awin jibi bañaaŋ biki Ejiptu bakhajanuŋ baka,
Bafiyaara akuţ ayikrën kë Nawat Kabuka awuli baka awin mnhaj mi baka. Baŋup wal mënţ adëmana.
Wal mënţ, dji na baka : “Mëmbaaŋ kame'aaran ; nalowaan, an nanwooŋ naanji naţaş Bgah bi Naşibaţi.” »
« Kë hënk di di Ajugun alempuŋ na nji, ţi wal wi adatuŋ, abuuranaan mnkow ţi këş ki bañaaŋ ! »
Aa, dwin mnhaj mi pntaali pi naan du Ejiptu, aŧiink mnţëg mi baka, aşë wala pbuuran baka. Hënkuŋ biini, dŋal kayilu du Ejiptu.”
