Ppën 13:16 - Mankanya

¹⁶ Uwoon pa an uko unwooŋ ţi kañen, uko wi naktuuŋ ţi pjuk. Mnhina mi kañen ki Nawat Kabuka mi mi apënanaanuŋ un du Ejiptu. »

Ppën 13:16 ပူးပေါင်းရင်းမြစ်များ

Kañaam 136:11

Ado haŋ apënanaan biki Iŧrayel du Ejiptu, uŋal wi nul uunji uba ;

Ppën 12:13

Pñaak pakyuujuŋ kë nawo ţi itoh mënţ. Woli dwin pa, kaţëp ţëp mënkkoban wi nji kapënuŋ pkob uŧaak wi Ejiptu.

Ppën 12:41

Unuur wi ŋşubal mënţ ŋabaaŋ wi wi bañaaŋ biki intaali bŧi yi Nawat Kabuka ipënuŋ ţi uŧaak wi Ejiptu.

Ppën 13:14

« Woli babukan baluŋ aheparan uko unkayi kë nakdo uko mënţ, naji na baka : “Mnhina mi kañen ki Nawat Kabuka mampënanuŋ un du Ejiptu, apënan un ţi pjuuk pi ulemp.

Ppën 13:9

Uwoon pa an ji uko unkwooŋ ţi iñen yi nan na ţi ijuk yi nan unkleşananaŋ kë bgah bi Nawat Kabuka bawo i kawo ŋnuur bŧi ţi itum yi nan, ul ampënananaŋ du Ejiptu na mnhina mi kañen ki nul.

Ppën 6:1

Yawe Nawat Kabuka aji wal mënţ na Moyiŧ : « Hënkuŋ iwin uko wi nji kadoluŋ Farawuna. Mnhina mi kañen naan mandola awut baka baya, mandoo dola do adook baka ţi uŧaakul. »

Ppën 6:6

« Ukaaŋ kë ikya kaji na biki Iŧrayel : “Nji dwooŋ Nawat Kabuka, dpënanan ţi ŋlemp ŋi biki Ejiptu baţu'anaŋ, dpënanan ţi pjuuk pi baţu'anaŋ. Dbuuranan na mnhina mi kañen naan, biki uŧaak mënţ bame wal mënţ kë nji dwooŋ Nawat Kabuka.

Maci 23:5

Ţi iko bŧi yi bakdoluŋ baji bala pwinana ţi bañaaŋ ukaaŋ kë kako ki bajaaŋ baţu Uţup wi Naşibaţi katan ţi bkow na iñen yi baka kaji kadëm. Iñen yi imişa yi baka ikak aji ihaan maakan.

Ulemp 13:17

Naşibaţi i pntaali pi nun, pi Iŧrayel, adat başinun, adëman pntaali pi baka, wi bawooŋ bayaanţ du uŧaak wi Ejiptu. Apënan pa du Ejiptu kak ţi mnhina mi nul.