Ppën 12:11 - Mankanya

¹¹ Hënk di di nakdeeŋ wa : natan blaañ ţi blank, kawoh işapaat, kamëban pmul ţi kañen. Nadeen wa naŧaran ŧaran. Uwo Ufeŧtu wi Mbuur wi Nawat Kabuka.

Ppën 12:11 ပူးပေါင်းရင်းမြစ်များ

Ppën 12:13

Pñaak pakyuujuŋ kë nawo ţi itoh mënţ. Woli dwin pa, kaţëp ţëp mënkkoban wi nji kapënuŋ pkob uŧaak wi Ejiptu.

Ppën 12:21

Moyiŧ adu baweek biki Iŧrayel bŧi aşë ji na baka : « Nayaan nalaar itoh yi nan unkaneel umpoţi këme upi umpoţi nafiŋ pa Ufeŧtu wi Mbuur.

Ppën 12:27

Naŧeeman baka naji : “Uwo bţeŋan bi Nawat Kabuka andukuŋ itoh yi Iŧrayel du Ejiptu, wi akkobuŋ biki Ejiptu, aşë dukun.” » Wal mënţ bañaaŋ biki Iŧrayel baŋup adëman Nawat Kabuka.

Ppën 12:43

Yawe Nawat Kabuka aji na bi Moyiŧ na Aaron : « Uko wi pdo pa Ufeŧtu wi Mbuur wii wi : Nin nayaanţ aankde unŧaam unfiŋuŋ pa wa.

Bgah 23:5

« Ţi ŋnuur iñeen na ŋbaakër ŋi pli pŧeek, na utaakal, nado Ufeŧtu wi Mbuur pa Yawe Nawat Kabuka.

Luk 12:35

« Nabomandëran, nawohara iko yi ulemp, nawutan ŋkaniya ŋi nan ŋado kayik.

Luk 15:22

Kë aşin aşë ji na balemp biki nul : “Naŧaraan, naţijan kamişa kannuurnaaniiŋ, nawoharëna, naţu'ana paneel ţi pkoñ, nabot naţu'a işapaat ţi ihoţ.

Luk 2:41

Na ŋşubal, bajug Yeŧu baji baya Ufeŧtu wi Mnjeeh du Yeruŧalem.

Luk 7:38

Abi aţo ţi kafeţ ki Yeŧu, ţi ihoţul, awooni, añowana ihoţ na mnkuul abot awent ya na uwel wi nul, aboot ihoţ yi Yeŧu aşë kër ukëra ujuŋ ulil pţëkëñ ţi ya.

1 Korinŧ 5:7

Napënaan uko utaajanaani pşon ujon, nakakna pşon phalu, bañaaŋ bajinţ ţi këş ki Naşibaţi. Nado bi wo wo bajinţ. Kriŧtu anwooŋ unkaneel wi Ufeŧtu wi Mbuur awul kaţuţul pa nja.

Efeŧ 6:15

Işapaat yi nakţuuŋ ţi ihoţ iwoon pbomandër pa pya pţup Uţup Ulil Unuura wi bŧiinkar wi Naşibaţi aţenuŋ nja.

1 Piyeer 1:13

Nabomandëran keeri, nawo bten, naţu mnhaţ mi nan bŧi ţi bnuura bi nakluŋ kayeenk woli Yeŧu Kriŧtu apën awinana.