Markuŧ 7:18 - Mankanya

¹⁸ Kë aji na baka : « An kak hënk di di nawaaŋuŋ ŋşal i ? Naamme me kë nin uko uloŋ wi bdig unkneejuŋ ţi ñaaŋ uunhilan kaţopana ţi këş ki Naşibaţi i ?

Markuŧ 7:18 ပူးပေါင်းရင်းမြစ်များ

Maci 15:11

Mënţ uko unjaaŋ uneejna ţi mntum ujaaŋ uţopan ñaaŋ ţi këş ki Naşibaţi, uko unkpënnuŋ ţi mntum mi nul wa. »

Maci 16:11

Kë hum di di nawooŋ naamme kë mënţiiniyaan ipoom ? Dji nalipara uko utaajanaani pşon wi bafariŧay na baŧaduk. »

Markuŧ 4:13

Yeŧu aji na baka : Naamme uko wi uhoñ wi ujakuŋ ? Kë hum di di nakmeeŋ uhoñ bŧi wi nji kaluŋ kahoñ ba ?

Markuŧ 7:17

Wi Yeŧu aneejuŋ du katoh alow pnŧuk, baţaşarul bahepara uko wi uhoñ ukjukanuŋ.

Markuŧ 7:19

Uunji uneej ţi uhaaş wi nul, ţi kayiŋul di di ujaaŋ uneej, aya kapënan wa du bnţeeh. » Hënk ţi ŋţup ŋuŋ, Yeŧu adiiman kë iko ide bŧi inuura.

Luk 24:25

Wal mënţ kë Yeŧu aşë ji na baka : « An bawaaŋ ŋşal, naji nanoom ţi pfiyaar iko bŧi yi baţupar Naşibaţi bajakuŋ !

Yowan 3:10

Kë aŧeema aji : « Hum di ihiluŋ kawo najukan ţi Iŧrayel aşë wo iimme iko yaŋ ?

1 Korinŧ 3:2

Ukaaŋ kë nwulan mntow kë nadaani, mënwulan pde pantamuŋ, naando bi hil pde pa. Te hënkuŋ naando bi hilan pde pa,

Bahebërë 5:11

Ŋka iko iŧum yi pţup ţi uko mënţ kë ikak atam ppibanan ţiki naanji naŧar ţi pyikrën.