Markuŧ 4:15 - Mankanya

¹⁵ Bañaaŋ baloŋ bawo ji bgah bi Uţup ujotuŋ, wi banŧiinkaŋ ŧiink Uţup, kë Ŧatana aşë ban apënan uţup wi baŧepiiŋ ţi baka.

Markuŧ 4:15 ပူးပေါင်းရင်းမြစ်များ

Ujuni 19:14

Lot aya aţiini na bayootanul, banjokuŋ babukul aji : « Nanaţiin, napën ţi dko di, ţiki Nawat Kabuka abi kaŧok ubeeka. » Kë başë şal aji abeŋ beŋ.

Maci 13:19

Ñaaŋ anŧiinkuŋ Uţup wi Pşih pi Baţi, aşë wo aamme uko wi ujakuŋ Ŧatana aji bi kapënan Uţup wi baŧepiiŋ ţi kaţëb ki nul. Awo ji bgah bi uţup ujotuŋ.

Maci 22:5

« Kë biki baduuŋ başë wo baando ţo ţo aten uko mënţ, andoli aŧool kaya pdo kanuma ki nul : baloŋ baya ŋţeeh, baloŋ pjula.

Maci 4:10

Wal mënţ kë Yeŧu aşë ji na wa : « Ŧatana, ţëpan iya ! Upiiŧana aji : “Ajugun, Naşibaţi i nu ţañ i i iwooŋ kadëman, kë ul ţañ i i iwooŋ kado kalempar.” »

Markuŧ 4:14

Nagur ŋdeey, Uţup wi Naşibaţi wi wi akŧepiiŋ.

Markuŧ 4:16

Kë baloŋ bawo ji dko di mnlaak di ŋdeey ŋajotuŋ, bayeenk ţi dko mënţ Uţup na mnlilan,

Markuŧ 4:4

Wi akguruŋ ŋdeey kë ŋloŋ ŋaşë jot ţi bgah ; kë ŋkaŧ ŋabi ade ŋa bŧi.

Luk 8:12

Bañaaŋ baloŋ bawo ji bgah, bi Uţup ujotuŋ, wi banŧiinkuŋ wa, kë Unŧaayi Uweek uşë bi, apënan wa ţi ŋhaaş ŋi baka aţi bafiyaar bakuţ babuur.

Ulemp 17:32

Wi baŧiinkuŋ kë aţiiniyaan uko wi pnaţa ţi pkeţ, baloŋ babeŋa, kë bandukiiŋ bahepar pluŋ kaŧiinka byaaş bloŋ aji na a « Ŋŋal kaluŋ kaŧiinku ţi uţup waŋ, byaaş bloŋ. »

Ulemp 5:3

Kë Ŧimoŋ Piyeer aşë hepara aji : « Ananiyaŧ, we ukaaŋ kë Ŧatana aneeju uhaaş, kë ido la pguur Uhaaş wi Naşibaţi, ajej itaka iloŋ ţi yi iwaapnuŋ mboş, amen ?

2 Korinŧ 2:11

Ddo haŋ Ŧatana awutna kaguur nja ; ŋme bnuura iko yi ajaaŋ aŋal pdo.

2 Teŧalonika 2:9

Ñaaŋ i buţaan mënţ abile, abi na mnhina mi Ŧatana, ado uko uweek maakan, mlagre na iko iñoŋarënaan kaguurna bañaaŋ.

Bahebërë 12:16

Nin aloŋ awutan kawo ţi pjuban pi piinţ, nin aloŋ awutan kabeeh iko inyimanuŋ ji Eŧawu i pde ploolan pakaaŋ kë awaap pweek pi nul.

Bahebërë 2:1

Ukaaŋ kë ŋwo biki kamëban bnuura uko wi ŋŧiinkuŋ, kaţi ŋluŋ ŋneem.

1 Piyeer 5:8

Namëbaan ŋleef ŋi nan, nawo bten : Unŧaayi Uweek unwooŋ uşooradan uñaay wu wuŋ awo ji uliihu unkliihuŋ ala uko ude.

Uko wi ayuujuŋ Yowan 12:9

Bawat unjumpul uweek, upula ujon wi bajaaŋ bado Ŧatana Këme Unŧaayi Uweek, unjaaŋ uguur umundu bŧi. Bawat wa ţi mboş wul na ŋwanjuŧ ŋi wa.

Uko wi ayuujuŋ Yowan 20:10

Wal mënţ, kë Unŧaayi Uweek, unguuruŋ baka, uşë fëlana du katant ki bdoo banwooŋ na pdëpalën panjaaŋ patërad aţënk da ulimariya na naţupar wa. Bahaj maakan pnak na uŧejan te mnţo.

Uko wi ayuujuŋ Yowan 20:7

Wal wi ŋşubal iñeen-week ŋyaaş iñeen (1000) ŋakţëpuŋ bawutan Ŧatana apën du ukalabuş,