Markuŧ 3:5 - Mankanya

⁵ Yeŧu aten baka ayitan aşë deebaţ abot ajooţan ţiki baanji bañaga. Wi wi aşaaŋ aji na ñiinţ : « Taran kañen » kë atar ka, kañen kë kajeb na a.

Markuŧ 3:5 ပူးပေါင်းရင်းမြစ်များ

Ujuni 6:6

Nawat Kabuka adug umeli ţi uko wi aţakuŋ ñaaŋ, kë uhaaşul uwo ţi mnţëg mnweek.

Maci 12:13

Wi wi aşaaŋ aji na ñiinţ : « Taran kañen. » Kë atar ka kë kajebi, akak ji kandukiiŋ.

Markuŧ 3:4

Ahepar baka aji : « We wi bgah bajakuŋ ñaaŋ ado ţi unuur wi pnoorfën ba ? Bnuura këme buţaan ? Pbuuran ñaaŋ këme pfiŋa ? » Kë başë yomp.

Luk 13:15

Ajugun kë aşë ŧeema aji : « An balagare ! Ţi unuur wi pnoorfën, jëm andoli ţi an aji fënëş uwit wi nul këme ubuuru wi nul du kampen kañooţ wa uya udaan i ?

Luk 17:14

Wi Yeŧu awinuŋ baka aşë ji : « Nayaan nawinana du baţeŋan biki Naşibaţi. » Wi bakyaaŋ na bgah, aşë mara mara ajeb.

Luk 6:10

Wi wi aşaaŋ aten baka bŧi afooyan aşë ji na ñiinţ : « Taran kañen. » Kë ado haŋ, kë kañen kabi jeb jeb.

Yowan 9:7

aşë ji na a : « Yaan iñowa du dko di meel di badoluŋ du Ŧilowe. » (Ŧilowe dawooŋ nayili.) Kë nakuul ayaa, aya añowa, aşë wugşa, abi kawin win bnuura.

Baromeŋ 11:25

An bayiţ naan, mënŋal an nawooŋ naanwo bayuday nado kahomp. Hënk, dţupan uko ummeniiŋ unwooŋ ţi uko undoluŋ pntaali pi Iŧrayel : baloŋ ţi baka bakak atam ikow, abot aluŋ kaduka haŋ te wal wi an nanwooŋ naanwo bayuday biki Naşibaţi adatuŋ bŧi nakbuuruŋ.

2 Korinŧ 3:14

Kë ŋhaaş ŋi biki Iŧrayel ŋaşë dënëţa dënëţ te hënkuŋ, woli baleyiir ţi kadun ki bañaaŋ ulibra wi bgah bi Moyiŧ, baanji bahil pwin mndëm ; pwo ţi Kriŧtu ţañ pakkaaŋ bawin ma.

Efeŧ 4:18

Ŋşal ŋi baka ŋawo ţi bdëm ; kë babot awo baanka ubida wi Naşibaţi ajaaŋ aţen ţiki bawo ţi kapaam, kë ŋhaaş ŋi baka ŋabot adënëţ.

Efeŧ 4:26

Nadeebaţle nawutan kawut udeeb wi nan uţu'an pdo ipekadu. Nawutan kawo na udeeb te unuur udoo ujot.

Efeŧ 4:30

Nawutan kaţu Uhaaş wi Naşibaţi ujooţan ; Uhaaş wi nul wi aţu'anaŋ wi wi akluŋ kayikrënaanan ţi unuur wi mbuur.

Bahebërë 3:10

ŋşubal iñeen ŋbaakër. Ukaaŋ kë nji ndeebaţër pntaali mënţ aji : “Ŋhaaş ŋi baka ŋaji ŋaneeman baka unuur undoli, baandi pţaşën.”

Bahebërë 3:17

Kë bahoŋ biki adeebaţëruŋ ŋşubal iñeen ŋbaakër ba ? Mënţ bambiiŋ ajuban akeţ du pndiiş baka i ?

Bahebërë 5:9

Abaañëş ulemp wi nul ţi mboş, ahil hënkuŋ kabuuran te mnţo bañaaŋ bŧi banjaaŋ baŧiinka.

Uko wi ayuujuŋ Yowan 6:16

Bawo ţi pji na inkuŋ na mnlaak : « Najotnun, namenun ŋlow këş ki anţooŋ ţi pţij pi pşih, nakuţ nalowanun udeeb wi anwooŋ unkaneel.