Markuŧ 14:61 - Mankanya

⁶¹ Kë ul aşë yompa yomp, aanji nin uko uloŋ. Naşih i baţeŋan akak ahepara aji : « Naşibaţi i ŋjaaŋ ŋdëman, iwi iwooŋ Kriŧtu Abukul i ? »

Markuŧ 14:61 ပူးပေါင်းရင်းမြစ်များ

Kañaam 2:7

Nawutaan hënkuŋ, nţup uko wi Nawat Kabuka ajakuŋ : aji na nji « Iwi, iwooŋ abuk naan ; nţa di, dţup aji dwo şaaş !

Kañaam 39:9

Pënanaan buţaan bi naan bŧi ! Kwut nayila akarën !

Maci 16:16

Ŧimoŋ Piyeer kë aŧeema aji : « Iwo Kriŧtu, Abuk Naşibaţi ajug ubida. »

Maci 3:17

Kë pdiim ploŋ paşë pënna baţi aji : « Iwi iwooŋ abuk naan, dŋalu maakan, dmaganu. »

Maci 8:29

Biinţ mënţ bawo ţi phuuran aji : « Inumi'un we ba, abuk Naşibaţi ? Ibi bi pyewlënun ji unuur wi pwayëş ubi udo kaban i ? »

Markuŧ 14:60

Naşih i baţeŋan anaţa wal mënţ anaţ ţi pŧoof pi baka aşë hepar Yeŧu aji : « Iinkhepna ţi uko wi bañaaŋ biki bakţupuŋ ţi iwi i ? »

Markuŧ 15:2

Kë Pilat aşë hepar Yeŧu aji : « Iwi, iwooŋ naşih i bayuday i ? » Kë aŧeem aji : « Iwi, ijakuŋ haŋ. »

Yowan 1:34

Kë nji nşë win abot aţup kë i mënţ awo Abuk Naşibaţi. »

Yowan 10:24

Bayuday babi afooya aşë ji na a : « Ibaa do kanooranun te lum ba ? Woli iwo Kriŧtu, kţupun bañaaŋ bŧi kame. »

Yowan 10:36

we ukaaŋ kë naji dkar Naşibaţi Paapa wi njakuŋ aji dwo Abukul, nji i adatuŋ ayil ţi umundu.

Yowan 18:37

Kë Pilat aşë ji na a : « Ikeer awo naşih ? » Kë aŧeema aji : « Ijakuŋ haŋ : dwo naşih. Dbuka abot abi ţi umundu pa pdiiman uko unwooŋ manjoonan. Ñaaŋ anwooŋ i manjoonan aji ŧiink pdiim pi naan. »

Yowan 19:7

Kë başë ŧeema aji : « Ŋka bgah, kë ţi bgah mënţ awo i pkeţ ţiki aji awo Abuk Naşibaţi. »

Yowan 19:9

Aya aneej du katoh aşë hepar Yeŧu aji : « Iwoona ţuŋ ba ? » Kë Yeŧu aanŧeema.

Ulemp 8:32

Dko di Ulibra wi Naşibaţi di akleyiiruŋ dii di, daji : « Ji unkaneel wi bakñooţuŋ pya kafiŋ Ji unkaneel umpoţi ţi kadun ki napuunk wa, Hënk di di ajaaŋ ayompan mntum.

1 Timote 1:11

Pjukan mënţ pawoona ţi Uţup Ulil Unuura wi Naşibaţi andëmuŋ akuţ aŧum na bnuura aţu'ënuŋ pdo kaţup.

1 Timote 6:15

Naşibaţi akdoluŋ Kriŧtu awinana ţi wal wi adatuŋ ; ul annuurandënuŋ bnuura, anwooŋ naşih aloolan ţañ, anwooŋ Naşih Andëmuŋ Maakan.

1 Piyeer 2:23

Woli bakara, aanji lukan, woli bahajana, aanji bëgar, aji ţëp ţëp kawut anjaaŋ awayëş pwayëş pŧool awayëşa.