Markuŧ 14:24 - Mankanya

²⁴ Aji na baka : « Pñaak pi naan pii pi, pankntuluŋ pa pnŧuk pweek maakan, pi Naşibaţi aţeŋanaanuŋ bhoŋar.

Markuŧ 14:24 ပူးပေါင်းရင်းမြစ်များ

Ppën 24:8

Moyiŧ ajej wal mënţ pñaak alëŧar bañaaŋ aşë ji : « Pi pawooŋ pñaak pankţeŋanuŋ bhoŋar bi Nawat Kabuka adoluŋ na nja woli ŋţaş iko yi ajakuŋ yi. »

Markuŧ 10:45

Abuk Ñiinţ ţi uleeful aambi bi pa bado kalempara, abi pdo kalempar bañaaŋ kabot kawul ubida wi nul, uwo baluk bankbuuranuŋ bañaaŋ baŧum maakan. »

Markuŧ 14:23

Abot ajej pnkalame pi poot, wi abeebuŋ Naşibaţi aba, aşë wul baka badaan, kë badaan bukal bŧi.

Markuŧ 14:25

Dţupan, na manjoonan, nin mënkak adaan poot te unuur wi iko bŧi ikkakuŋ ihalu du Pşih pi Naşibaţi. »

Luk 22:20

Wi babaaŋ pde, akak ado haŋ na pnkalame aji : « Poot pi pawooŋ pñaak pi naan pantuluŋ pa an, pi Naşibaţi aţeŋanaanuŋ bhoŋar bhalu. »

Yowan 6:53

Kë Yeŧu aşë ji na baka : « Na manjoonan dţupan, woli naande uleef wi Abuk Ñiinţ akuţ awo naandaan pñaakul, naankwo na ubida.

1 Korinŧ 10:16

Naşalan pnkalame pandaannuŋ ţi kañah kabaañşaani ki Kriŧtu pankaaŋ kë ŋji ŋbeeb Naşibaţi : woli ŋdaan ţi pa, ŋënji ŋwo ţi ploolan na Kriŧtu ţi pñaak pi atuluŋ i ? Hënk kak, kapoom ki ŋjaaŋ ŋpitëş kaanwo pwo baloolan na Kriŧtu ţi uleef wi nul wi awuluŋ i ?

1 Korinŧ 11:25

Wi babaaŋ pde, ajej pnkalame aji : « Poot pi pawooŋ pñaak pi naan pantuluŋ pa an, pi Naşibaţi aţeŋanaanuŋ bhoŋar bhalu. Naluŋiiŋ nado kado hënk wal undoli wi nakdaanuŋ pa, uwo pleşan pi naan. »