Markuŧ 13:33 - Mankanya

³³ « Naţafaraan, nawoon bten, naamme wal wi uko mënţ ukbanuŋ.

Markuŧ 13:33 ပူးပေါင်းရင်းမြစ်များ

Maci 25:13

Kë Yeŧu aşë ji : « Nawoon bten keeri, naamme unuur këme uwoori wi Abuk Ñiinţ akbiiŋ. »

Markuŧ 13:23

Naţafaraan keeri, ddobi ţupan iko bŧi inkluŋ kabi. »

Luk 12:40

An kak nabomandëran, ţiki Abuk Ñiinţ aluŋ kabi ţi wal wi nawooŋ naanhaţi. »

Baromeŋ 13:14

Natamaan nanaam na Yeŧu Kriŧtu Ajugun ţi mnwo mi nan, naţañan pdo kaţaş iko yi ŋleefan ŋaŋaluŋ kado kado.

1 Korinŧ 16:13

Nawoon bten, namëban naliinŧ ţi pfiyaar pi nan, nawoon bañaaŋ batëŋ, nanaţan naliinŧ.

Efeŧ 6:18

Nadoon kañehan Naşibaţi kakooţa ŋwal bŧi, Uhaaş wi nul udo kaţënkan ţi uko mënţ ; natamaan nawut kayoont iñeen nin unuur uloolan ţi pdo kañehandër banwooŋ biki Naşibaţi bŧi.

Koloŧ 4:2

Namëbaan naliinŧ ţi pñehan Naşibaţi, nawoon bten naţu ibaţ ţi uko mënţ, ţi pdo kabeeba.

Bahebërë 12:15

Naţaafaraan aloŋ ţi an adek kafeţ bnuura bi Naşibaţi ; naţaafaraan aloŋ awo ji bko bwuţaan banjaaŋ badëm kaşë kabuk mnko mnŧum manwuţuŋ. Ñaaŋ mënţ ahil kaneeman baŧum maakan.

1 Piyeer 4:7

Uba umundu uñogi ; nadoon kalipara, namëbaan ŋleef ŋi nan keeri, nahilna nañehan Naşibaţi.

1 Piyeer 5:8

Namëbaan ŋleef ŋi nan, nawo bten : Unŧaayi Uweek unwooŋ uşooradan uñaay wu wuŋ awo ji uliihu unkliihuŋ ala uko ude.

Uko wi ayuujuŋ Yowan 16:15

Ajugun aji : « Natenan, dbi ji nakiij ! Anuurandëni anwooŋ bten awo na imişa yi nul, anwooŋ aankpën byişu kaduk bduun ţi kadun ki bañaaŋ. »

Uko wi ayuujuŋ Yowan 3:2

Nawoon bten, nataman nawutna kakeţ bŧi ; dwin kë uko wi nadoluŋ uunwinana bnuura ţi kadun ki Naşibaţi.