Maci 5:37 - Mankanya

³⁷ Pdinan pi nan pawoon pdinan na manjoonan, kë ppok pi nan pawoon ppok na manjoonan. Uko umpafuŋ ţi ŋţup mënţ uwoona du Unŧaayi Uweek. »

Maci 5:37 ပူးပေါင်းရင်းမြစ်များ

Maci 13:19

Ñaaŋ anŧiinkuŋ Uţup wi Pşih pi Baţi, aşë wo aamme uko wi ujakuŋ Ŧatana aji bi kapënan Uţup wi baŧepiiŋ ţi kaţëb ki nul. Awo ji bgah bi uţup ujotuŋ.

Maci 13:38

uţeeh uwooŋ umundu ; ŋdeey ŋnuura ŋawooŋ bañaaŋ biki Pşih pi Baţi ; umbiilu uwooŋ banjaaŋ baţaş Naguuru.

Maci 15:19

Du uhaaş meeţ di di iko iŧënţ yi ijaaŋ iwoona : ŋşal ŋwuţaan, bfiŋar, ppiinţ na ahar ñaaŋ këme ayin ñaaŋ, pjuban pi piinţ, kakiij, ŋţilan na pţup buţaan ţi bañaaŋ, bkuutar.

Maci 5:36

Kmehna kak ţi bkowu, ţiki iinhina kakakan kawel kaloolan ki ba kakak kafaaŧ këme kajën.

Maci 6:13

Kwutun ŋdo buţaan woli baguurun işë ibuuranun ţi Unŧaayi Uweek. [Iwooŋ ajug pşih, mnhina, na mndëm te mnţo. Uwo haŋ.]

Yowan 17:15

Mënkñehanu ipënan baka ţi umundu, dñehanu ñehan ido kayeŋ baka, Ajug Buţaan awut kaban baka.

Yowan 8:44

Nawo babuk Unŧaayi Uweek kë iko yi aşinan aŋaluŋ yi yi najaaŋ naŋal kado kado. Du ujuni adobi woha wo nafiŋ bañaaŋ, nin aanji ţup manjoonan, ţiki manjoonan maanwo ţi a. Woli aţilan aji do uko wi awooŋ, ţiki awo naţilan abot awo aşin baţilan.

Efeŧ 4:25

Hënk, nawutan kaţilan : Andoli ţi an adoon kaţup aŧënţul manjoonan ţiki ŋnaakiir awo nja bŧi uleef uloolan.

Efeŧ 6:16

Najejan pfiyaar ŋwal bŧi pawo ubeel wi nan, nahilna najëmşën işuuri inkyikuŋ yi Naguuru.

Koloŧ 3:9

Ŋţilan ŋawutan kawo ţi pŧoofan, ţiki nawo hënkuŋ bañaaŋ bahalu banwohëşuŋ ubida wi baka ujon na iko iwuţaan yi wa.

Koloŧ 4:6

Ŋţup ŋi nan ŋawoon ŋnuura, ŋaŧaab pnam, nabot nahil pŧeem andoli bnuura.

2 Teŧalonika 3:3

Ajugun aji do uko wi ajakuŋ : adolan naliinŧ ţi pfiyaar pi nan kabot kabuuranan ţi nawuţaan.

Yakob 5:12

Bayiţ naan, naŧiinkan bnuura : nalipariin kamehna ţi baţi këme ţi mboş këme ţi uko uloŋ kak. Pdinan pi nan pawoon pdinan na manjoonan. Kë ppok pi nan pawoon ppok na manjoonan, nawutna kaduknaana ţi pwayëş pi Naşibaţi.

1 Yowan 2:13

An başin bapoţ, dţupan uko wi : name anwoonuŋ du ujuni ; kaţupan, an baţaşa : nawat Unŧaayi Uweek.

1 Yowan 3:12

Ŋënwo kado ji Kayin anwooŋ i Unŧaayi Uweek, afiŋ aţa'ul. Kë we ukaaŋ kë afiŋ aţa'ul ? Aji do buţaan kë aţa'ul aşë ji do iko inwooŋ iŧool.

1 Yowan 5:18

Ŋme kë bañaaŋ banwooŋ babuk Naşibaţi baanji baduka ţi pekadu ; Abuk Naşibaţi aji yeŋ baka, Unŧaayi Uweek kalow baka.