Maci 4:23 - Mankanya

²³ Yeŧu aji ñaay na uŧaak wi Galilay bŧi kajukan ţi itoh iñehanaani, kabot kaţup Uţup Ulil Unuura wi Pşih pi Baţi, kajeban mmaak bŧi na pţakëm bŧi ţi bañaaŋ.

Maci 4:23 ပူးပေါင်းရင်းမြစ်များ

Kañaam 103:3

Nawat Kabuka ajaaŋ amiirën buţaan bi naan bŧi, kajebanaan ţi mmaak mi naan bŧi.

Maci 11:5

Bakuul bakak awin, banţakmuŋ bapoş, bammaakuŋ bdoo bajebi kë bandënëmuŋ bakŧiink, bankeţuŋ banaţa ţi pkeţ, Uţup Ulil Unuura uŧiinkana ţi bawaaŋ.

Maci 12:9

Yeŧu awoona da, aşë ya du katoh kañehanaani.

Maci 13:19

Ñaaŋ anŧiinkuŋ Uţup wi Pşih pi Baţi, aşë wo aamme uko wi ujakuŋ Ŧatana aji bi kapënan Uţup wi baŧepiiŋ ţi kaţëb ki nul. Awo ji bgah bi uţup ujotuŋ.

Maci 13:54

Aya du dko di akuşnaaniiŋ aşë jukan bañaaŋ du katoh kañehanaani ki baka, kë badoo ñoŋar aji : « Ţuŋ di di akaanuŋ uşal unŧuŋa wi ? Hum di di ahiluŋ ado mlagre mi bŧi ba ?

Maci 14:14

Wi awaliiŋ ţi bţeem aşë win bañaaŋ baŧum añaga baka akuţ ajeban bammaakuŋ.

Maci 24:14

Baluŋ kaţup Uţup Ulil Unuura wi Pşih pi Baţi wi ţi umundu bŧi, bañaaŋ bŧi bahilna baŧiink wa. Wal mënţan wi wi uba umundu ukbiiŋ. »

Maci 3:2

aji na bañaaŋ : « Nawutan pjuban, naţëlëş ŋbida, ţiki Pşih pi Baţi pañogi. »

Maci 9:35

Yeŧu aji ţëp ţi ŋbeeka na ŋfëţ bŧi, kajukan du itoh iñehanaani, kaţup Uţup Ulil Unuura wi Pşih pi Baţi kabot kajeban mmaak bŧi na pţakëm bŧi mi bawoonaanuŋ.

Markuŧ 1:14

Wi uko waŋ uţëpuŋ, bamob Yowan, kë Yeŧu aşë ya Galilay aţiiniyaan Uţup Ulil Unuura wi Naşibaţi.

Markuŧ 1:21

Yeŧu na baţaşarul baya du ubeeka wi Kapernawum. Ţi unuur wi pnoorfën wi bayuday kë aşë ya aneej du katoh kañehanaani ajukan.

Markuŧ 1:39

Kë aşë ţëp ţi Galilay bŧi aţup Uţup Ulil Unuura ţi itoh iñehanaani abot adook ŋnŧaayi.

Markuŧ 6:2

Ţi unuur wi pnoorfën, awo ţi pjukan du katoh kañehanaani. Bañaaŋ baŧum bankŧiinkuluŋ bañoŋari, aşë ji : « Ţuŋ di di i mënţ ameenuŋ iko yi ? In awululuŋ uşal unŧuŋa wi, kë adoo ji do mlagre mnŧënţ mi na iñen yi nul ?

Markuŧ 6:6

Añoŋar ţi uko wi bawooŋ baanfiyaari. Yeŧu aya du ŋntanka ŋaññoguŋ da aţup Uţup Ulil Unuura wi Pşih pi Naşibaţi.

Luk 10:9

Najebaan bamaakal biki ubeeka mënţ nabot naji na banfëţuŋ da : “Pşih pi Naşibaţi pañogan.”

Luk 13:10

Yeŧu awo ţi pjukan du katoh kañehanaani ki bayuday kaloŋ ţi unuur wi pnoorfën.

Luk 16:16

« Ji Yowan Nabatŧaar abi ado kabi, Bgah bi Moyiŧ na baţupar Naşibaţi bawooŋ ; du wal wi abiinuŋ kë başë ţupan Uţup Ulil Unuura wi Pşih pi Naşibaţi, kë bañaaŋ bŧi bataman ado na pneej ţi pa.

Luk 20:1

Yeŧu awo unuur uloŋ ţi pjukan du Katoh Kaweek ki Naşibaţi abot aţup Uţup Ulil Unuura, kë baţeŋan baweek na bajukan Bgah başë wuj na bantohi

Luk 4:14

Mnhina mi Uhaaş wi Naşibaţi manţoŋ Yeŧu, akakana Galilay. Katim ki nul kameeţana ţi uŧaak bŧi.

Luk 5:17

Yeŧu awo unuur uloŋ ţi pjukan, kë bafariŧay baloŋ na bajukan Bgah başë wo ţi banknŧiinkuluŋ. Bawoona ŋfëţ bŧi ŋi Galilay na Yuda, na Yeruŧalem. Kë mnhina mi Ajugun manşë winana ţi pjeban pi akjebanuŋ bañaaŋ.

Luk 6:17

Wi wi Yeŧu aşaaŋ awala na baka, aşë naţ ţi dko dbad. Baţaşarul baŧum, aţu na pnŧuk pi bañaaŋ banwoonuŋ ŋfëţ bŧi ŋi Yuda, na Yeruŧalem, na ŋbeeka ŋi Tir na Ŧidoŋ ŋanwooŋ ţi kabaŋ ki bdëk.

Luk 6:6

Ţi unuur uloŋ kak wi pnoorfën wi bayuday, kë Yeŧu aşë ya du katoh kañehanaani ajukan. Kë ñiinţ aloŋ aşë wo da anţakmi ţi kañen kadeenu.

Luk 7:21

Wal mënţ Yeŧu ajeban bañaaŋ baŧum bammaakuŋ, apënan bañaaŋ baŧum ŋnŧaayi abot ado bakuul kë bakwin.

Luk 7:22

Kë Yeŧu aşë ŧeem bayili aji : « Nayaan nakakalëş Yowan uko wi nakwinuŋ akuţ aŧiink hënk : bakuul bakak awin, banţakmuŋ bapoş, bammaakuŋ bdoo bajebi kë bandënëmuŋ bakŧiink, bankeţuŋ banaţa ţi pkeţ, Uţup Ulil Unuura uŧiinkana ţi bawaaŋ.

Luk 8:1

Wi uko waŋ uţëpuŋ, kë Yeŧu aşë wo ţi pñaay na ŋbeeka na ŋntanka, ajukan abot aţup Uţup Ulil Unuura wi Pşih pi Naşibaţi. Baţaşarul iñeen na batëb kë bawo na a,

Luk 9:11

Kë wi bañaaŋ bamehaŋ me haŋ aşë ţaşa. Yeŧu ayeenk baka bnuura, aţiini na baka uko wi Pşih pi Naşibaţi abot ajeban bannumiiŋ pjeb.

Luk 9:60

Kë Yeŧu aji na a : « Wutan bakeţ baya bamoy bankeţuŋ biki baka ; iwi yaan ido kaţiiniyaan Pşih pi Naşibaţi. »

Yowan 18:20

Kë Yeŧu aŧeema aji : « Na pnak di di nţiiniiŋ na bañaaŋ bŧi. Djon kajukan du itoh iñehanaani na du Katoh Kaweek ki Naşibaţi, di bayuday bŧi bajaaŋ bayitna. Mëmbaaŋ kamena uko uloŋ.

Yowan 6:59

Yeŧu aţup uko waŋ wi akjukanuŋ du katoh kañehanaani du Kapernawum.

Yowan 7:1

Wi iko yaŋ iţëpuŋ, Yeŧu awo ţi pñaay na uŧaak wi Galilay, aaŋŋal pdo kañaay na uŧaak wi Yuda ţiki bala pfiŋa.

Ulemp 10:38

Name Yeŧu mënţ ampënnuŋ Naŧaret, nawin jibi Naşibaţi adatuluŋ awula Uhaaş wi nul na phina. Name kak kë añaay na dko bŧi ado bnuura, ajeban bañaaŋ biki Unŧaayi Uweek uknooranuŋ, ţiki Naşibaţi awo na a.

Ulemp 18:4

Unuur wi pnoorfën bŧi, aji ţëlşër na bañaaŋ du katoh kañehanaani ki bayuday, kado na pdo bayuday na bagrek, bafiyaar Yeŧu.

Ulemp 20:25

« Dbi ţi an ţi, aţiiniyaan Pşih pi Naşibaţi, aşë me kë naankak aluŋ kawin këş ki naan.

Ulemp 28:31

Aţo da aţup uko wi Pşih pi Naşibaţi, abot ajukan uko wi Yeŧu Ajugun na mntëŋ abot awo najeeh.

Baromeŋ 10:15

Kë hum di di ñaaŋ akţupuŋ baka wi bawooŋ baanyil nin aloŋ ? Kë hënk di di Ulibra wi Naşibaţi ujakuŋ : « Natenan jibi unuuri pwin bañaaŋ bankţijuŋ Uţup Ulil Unuura ! »