Maci 4:18 - Mankanya

¹⁸ Unuur uloŋ, Yeŧu apoş ţi kabaŋ ki bdëk bi Galilay, aşë win biinţ batëb banţaaruŋ, Ŧimoŋ andu'aniiŋ Piyeer, na Andre, kë bakfël bridiya du bdëk, bawo baŧuh.

Maci 4:18 ပူးပေါင်းရင်းမြစ်များ

Ppën 3:1

Moyiŧ akak hënkuŋ ayafan ŋkaneel na ŋpi ŋi Yetro ayootanul naţeŋan i uŧaak wi Madiyan. Unuur uloŋ wi añooţuŋ batani aţëp pndiiş, aşë ban du pnkuŋ pweek pi Naşibaţi, pi bajaaŋ badu Horeb.

Ppën 3:10

dyilu hënkuŋ du Farawuna. Yaan, ipënan bañaaŋ biki Iŧrayel, pntaali pi naan, du Ejiptu. »

Maci 10:2

Itim yi banjañan iñeen na batëb mënţ yii yi : Ŧimoŋ i bajaaŋ badu Piyeer na Andre aţa'ul ; Yakob na Yowan babuk Ŧebede ;

Maci 15:29

Yeŧu apën da aşë ya umbaŋ wi bdëk bi Galilay. Apaya du pnkuŋ aţo.

Maci 16:18

Kë nşë jaku : Iwo Piyeer, pnduba panjaaŋ pamëban katoh, iluŋ kamëban bankfiyaarnuŋ. Pkeţ paankhilan kanaţ ţi kadun ki baka.

Maci 4:19

Aji na baka : « Naţaşaan, dkakanan baŧuh bañaaŋ. »

Markuŧ 7:31

Yeŧu apën du umbaŋ wi ubeeka wi Tir aţëpna wi Ŧidoŋ amuur uŧaak wi Ŋbeeka Iñeen aşë ya umbaŋ wi bdëk bi Galilay.

Luk 6:14

Bawooŋ : Ŧimoŋ i aţuuŋ katim ki Piyeer, Andre aţa Ŧimoŋ, Yakob, Yowan, Filip, Bartelemi,

Yowan 21:1

Wi uko waŋ uţëpuŋ, Yeŧu akak apën awinana ţi kadun ki baţaşarul du kabaŋ ki bdëk bi Tiberiyad. Hënk di di apënuŋ awinana ţi kadun ki baka.

Yowan 6:1

Wi iko yaŋ iţëpuŋ, Yeŧu amuur bdëk bi Galilay (bul bi bajaaŋ bado kak bdëk bi Tiberiyad).

Yowan 6:8

Andre, naţaşarul aloŋ anwooŋ abuk aşin Ŧimoŋ Piyeer aji na a :