Maci 3:17 - Mankanya

¹⁷ Kë pdiim ploŋ paşë pënna baţi aji : « Iwi iwooŋ abuk naan, dŋalu maakan, dmaganu. »

Maci 3:17 ပူးပေါင်းရင်းမြစ်များ

Kañaam 2:7

Nawutaan hënkuŋ, nţup uko wi Nawat Kabuka ajakuŋ : aji na nji « Iwi, iwooŋ abuk naan ; nţa di, dţup aji dwo şaaş !

Bgah 15:15

Naţeŋan ajej uloŋ ţi ŋkaŧ ŋuŋ, kado bţeŋan bi ppënan ipekadu kaşë katërad bŧi undukiiŋ Nawat Kabuka. Wi abaaŋ wi wi ajaaŋ ado ţi ambiiŋ pdolan bañow uko wi bajaaŋ bado ñaaŋ kakakna najinţ ţi kadun ki Nawat Kabuka.

Maci 12:18

« I awooŋ nalempar naan i nji ndatuŋ, i nŋaluŋ maakan, i mmaganuŋ, dluŋ kaţu Uhaaş wi naan ţi a aşë ţup bañaaŋ biki umundu kë Naşibaţi akakan baka baŧool.

Maci 17:5

Ahum kaţiini, kë kanfëluŋ kaloŋ kanknuuruŋ kaşë mara mara abi awun baka, kë pdiim ploŋ paşë pënna ţi ka aji : « Iwi iwooŋ abuk naan, dŋalu maakan, dmaganu ! Nadoon kaŧiinka ! »

Markuŧ 1:11

Kë pdiim ploŋ paşë pënna baţi aji : « Iwi, iwooŋ Abuk naan, dŋalu maakan, dmaganu. »

Markuŧ 9:7

Kanfëluŋ kabi awun baka, kë pdiim ploŋ paşë pënna ţi ka aji : « I, awooŋ Abuk naan, dŋala maakan, naŧiinkana. »

Luk 3:22

Wi wi Uhaaş wi Naşibaţi uşaaŋ awala ţi a, awo wo ji ubalab ufaaŧal. Kë pdiim ploŋ paşë pënna baţi, aji : « Iwi, iwooŋ Abuk naan, dŋalu maakan, dmaganu. »

Luk 9:35

Kë pdiim ploŋ paşë pënna ţi ka aji : « I, awooŋ Abuk naan, i nji ndatuŋ. Nadoon kaŧiinka. »

Yowan 5:20

Naşibaţi aŋal Abukul abot aji diimana iko yi ajaaŋ ado ; aluŋ kadiimana iko indëmuŋ apel yi, inkţuuŋ nañoŋar.

Yowan 5:37

Kë Paapa anyilnuŋ ul ţi uleeful aţup ţi uko wi naan. Naambaaŋ kaŧiinka pdiimul, këme kame jibi anaami.

Efeŧ 1:6

Najoh keeri ŋyeeh mndëm mi nul na bnuura bweek bi aţëpnuŋ ţi Kriŧtu i amaganuŋ, awul nja.

Koloŧ 1:13

Alëb nja ţi phina pi bdëm añooţ du pşih pi Abukul i aŋaluŋ.

2 Piyeer 1:17

Naşibaţi, Aşin nja Andëmuŋ Maakan, awula pdëm na mndëm, wi aţiiniiŋ na a aji : « Iwi iwooŋ Abuk naan, dŋalu maakan, dmaganu. »

1 Yowan 5:9

Jëm ŋji ŋdinan uko wi bañaaŋ baţupuŋ i ? Kë wi Naşibaţi aţupuŋ uşaaŋ adëmna apel wi bañaaŋ baţupuŋ. Uko wi Naşibaţi aţupuŋ wii wi : aţiiniyaan Abukul.

Uko wi ayuujuŋ Yowan 14:2

Dŧiink pdiim ploŋ kë pakpëna baţi, pawo ji ubulan uweek, ji kamparantant kaweek. Kë pdiim pi nŧiinkuŋ pawo ji kayeeh ki bankkobuŋ inŧuni bakyeehuŋ.