4 Bayeŋ balënk maakan akat kat. Bawo ji bankeţuŋ.
Wi baaţ bakyaaŋ na bgah, kë baloŋ ţi bayeŋ başë neej ţi ubeeka akakalëş baţeŋan baweek uko bŧi unţëpuŋ.
Ujeeh ji kaliik liik kë imişa yi wa ibot awo ifaaŧal feh.
Kë uwanjuŧ uşë ji na baaţ bukuŋ : « An, nawutan kalënk : dme kë nala Yeŧu i bapaŋuŋ.
Nayeŋ ado kë baŧehan bdoo, alënk akat kat aşë ţi ajot ţi ihoţ yi bi Pawulu na Ŧilaŧ.
Wi nwinuluŋ, djot ţi ihoţul awo ji ñaaŋ akeţuŋ keţ. Kë aşë pafën kañenul kadeenu ajakën : « Wutan kalënk ; nji dwooŋ najuni akuţ awo nabaañşaani.
