Maci 26:41 - Mankanya

⁴¹ Nawoon bten nado kañehan nawutna kajot ţi kaguuru. Ŋhaaş ŋi nan ŋaŋal maakan pdo bnuura, kë ŋleefan ŋaşë biişna. »

Maci 26:41 ပူးပေါင်းရင်းမြစ်များ

Maci 24:42

« Nawoon bten, naamme unuur wi Ajugun akbiiŋ.

Maci 25:13

Kë Yeŧu aşë ji : « Nawoon bten keeri, naamme unuur këme uwoori wi Abuk Ñiinţ akbiiŋ. »

Maci 26:38

Aji na baka wal mënţ : « Uhaaş wi naan ujooţani, pjooţan mënţ padiţ maakan kë ndoo kita. Nadukiin ţi nawo bten. »

Maci 6:13

Kwutun ŋdo buţaan woli baguurun işë ibuuranun ţi Unŧaayi Uweek. [Iwooŋ ajug pşih, mnhina, na mndëm te mnţo. Uwo haŋ.]

Markuŧ 14:38

Nawoon bten nado kañehan nawutna kajot ţi kaguuru. Uhaaş wi nan uŋal pdo bnuura kë ŋleefan ŋaşë waŋ uforŧa. »

Luk 11:4

miirun ipekadu yi nun, jibi un ŋkmiiruŋ bañaaŋ bŧi banjubanuŋ un, işë iwut kawutun ŋjot ţi kaguuru. »

Luk 21:36

Nawoon bten keeri, nado kañehan Naşibaţi wal undoli, nahilna nabuur ţi iko inwooŋ yi pbi bŧi, nabot nahilna nanaţ ţi kadun ki Abuk Ñiinţ. »

Luk 22:40

Wi abanuŋ du dko mënţ aşë ji na baka : « Nadoon kañehan Naşibaţi nawutna kajot ţi kaguuru. »

Luk 22:46

Kë aşë ji na baka : « We ukaaŋ kë nakŋoyënţ ba ? Nanaţiin nañehan Naşibaţi, nawutna kajot ţi kaguuru. »

Luk 8:13

Baloŋ bawo ji dko di mnlaak di Uţup ujotuŋ, baji bayeenk wa na mnlilan woli baŧiink wa ; kë başë wo baanka intaañ, baji bafiyaar btiişu, woli ujeenki baji bawutan.

Baromeŋ 8:3

Bgah bi Moyiŧ baanhil pdo haŋ, ţiki iko yi uleef wi nja uŋaluŋ ido kë bgah baanka mnhina maŋ. Kë Naşibaţi aşë buuran nja wi ayiluŋ Abukul abi ji ñaaŋ najën abot awo bţeŋan pa pyeenkar nja kakob pa ipekadu yi nja.

1 Korinŧ 10:13

Mnhaj mi nahajaŋ, baloŋ bahaj ma. Kë Naşibaţi aşë luŋ kado uko wi ajakuŋ, aankdinan iko mënţ iwuukan nado buţaan bi nawooŋ naankhilan pbuur. Woli iko mënţ iwuukan nado buţaan aji dolan nabuur kakuţ kaţijan kaliinŧ.

1 Korinŧ 16:13

Nawoon bten, namëban naliinŧ ţi pfiyaar pi nan, nawoon bañaaŋ batëŋ, nanaţan naliinŧ.

1 Korinŧ 9:27

Dji kamiir iko iŧum, kaţijan uleef, kaţi pţup bañaaŋ Uţup Ulil Unuura kaşë kawo mënkyeenk katuum ki uhoŋuŋ.

Galaŧiya 5:24

Bañaaŋ banwooŋ biki Kriŧtu Yeŧu bapaŋ iko iwuţaan yi uleef ujaaŋ uŋal pdo ţi kruŧ.

Efeŧ 6:18

Nadoon kañehan Naşibaţi kakooţa ŋwal bŧi, Uhaaş wi nul udo kaţënkan ţi uko mënţ ; natamaan nawut kayoont iñeen nin unuur uloolan ţi pdo kañehandër banwooŋ biki Naşibaţi bŧi.

1 Piyeer 4:7

Uba umundu uñogi ; nadoon kalipara, namëbaan ŋleef ŋi nan keeri, nahilna nañehan Naşibaţi.

1 Piyeer 5:8

Namëbaan ŋleef ŋi nan, nawo bten : Unŧaayi Uweek unwooŋ uşooradan uñaay wu wuŋ awo ji uliihu unkliihuŋ ala uko ude.

2 Piyeer 2:9

Iko yi idiiman kë Naşibaţi ahil kabuuran ţi mnhaj bañaaŋ bamëbanuŋ ţi a aliinŧ kaşë kaţooran banwooŋ baanwo baŧool bado kayoonk kakob ki baka ţi unuur wi pwayëş, wi baduknaaniiŋ.

Uko wi ayuujuŋ Yowan 16:15

Ajugun aji : « Natenan, dbi ji nakiij ! Anuurandëni anwooŋ bten awo na imişa yi nul, anwooŋ aankpën byişu kaduk bduun ţi kadun ki bañaaŋ. »

Uko wi ayuujuŋ Yowan 3:10

Kë an naşë mëban uţup naan, amiir, ukaaŋ kë nji kanaţ ţi uko wi nan nawutna kahaj mnhaj mi Naşibaţi akţuuŋ bañaaŋ biki umundu bŧi katenna jibi bawo i na manjoonan.