Maci 26:24 - Mankanya

²⁴ Aa, Abuk Ñiinţ awo i kakeţ jibi upiiŧaniiŋ ţi a ţi Ulibra wi Naşibaţi, kë anşaaŋ awula aşë wuţan ! Uhokan lah awo aankbuka. »

Maci 26:24 ပူးပေါင်းရင်းမြစ်များ

Ujuni 3:15

Dţu bşoorad ţi iwi na ñaaţ, ţi pntaali pi nu na pi nul. Baluŋ kanantlu bkow, kë iwi, iluŋ katib baka ţi pşoñ. »

Maci 18:7

Bañaaŋ banwooŋ ţi umundu bawuţani ţiki iko inhinanuŋ kado baka bajuban iŧumi. Iko mënţ iinhinan kawaaŋa, kë ñaaŋ anşaaŋ aţij ya aşë wuţan !

Maci 26:31

Yeŧu aji na baka : « Uko wi bakluŋ kadolën ţi uŧejan wi nţa wi uţu an bŧi nadukën. Kë hënk di di upiiŧuŋ ţi Ulibra wi Naşibaţi aji : “Dkob nayafan kafiŋ, ŋkaneel ŋi batani ŋaşë ŋawayşër.”

Maci 26:54

Woli ddo haŋ, hum di di uko wi bapiiŧuŋ ţi Ulibra wi Naşibaţi uhilanuŋ kadolana keeri ? Wul ujakuŋ aji uko mënţ uwo kadolana. »

Maci 26:56

Kë iko bŧi inkdolaniiŋ hënk iwo iko yi baţupar Naşibaţi bajakuŋ ţi Ulibra wi nul. » Baţaşarul bŧi baţi aduka.

Markuŧ 14:21

Aa, Abuk Ñiinţ awo kakeţ jibi upiiŧaniiŋ ţi a ţi Ulibra wi Naşibaţi, kë anşaaŋ awula aşë wuţan. Uhokan lah awo aankbuka. »

Markuŧ 9:12

Yeŧu aŧeem baka aji : « Na manjoonan, Eli awo i kadun kabi kakakan iko bŧi ţi bgah. Naşal aji babubara apiiŧ aji Abuk Ñiinţ awo i kahaj maakan, kapokana i ?

Luk 22:22

Na manjoonan, Abuk Ñiinţ awo kakeţ jibi Naşibaţi ajakuŋ, kë ñaaŋ anşaaŋ awaapa aşë wuţan ! »

Luk 24:46

Aji na baka : « Uko wi bapiiŧuŋ wii wi : Kriŧtu awo i kahaj, kabot kanaţa ţi pkeţ unuur uwajanţën.

Yowan 17:12

Wi nwooŋ na baka dmëban baka ţi katim ki iwulnuŋ abot ayeŋ baka kë nin aloŋ ţi baka aanneemi, woli mënţ anwooŋ i kaneem a. Hënk di uko umpiiŧaniiŋ ţi Ulibra wi Naşibaţi ukdolaniiŋ.

Yowan 19:24

balaţar aji : « Ŋwut katow ka. Nabiin ŋdo kanuŋ na mnlaak ŋten ankyeenkuŋ ka. » Hënk, kë uko umpiiŧuŋ ţi Ulibra wi Naşibaţi udolanaa, upiiŧana aji : « Bafaaşiir imişa yi naan akuţ ado kanuŋ na mnlaak katen ankjejuŋ kamişa naan. » Uko waŋ wi wi bangoli badoluŋ.

Yowan 19:28

Wi uko waŋ uţëpuŋ, Yeŧu ame kë uko uba bŧi hënkuŋ aşë ji : « Udaan uţijën. » Hënk di uko umpiiŧaniiŋ ţi Ulibra wi Naşibaţi udolaniiŋ.

Ulemp 2:23

Ñiinţ aŋ, bawulan a, jibi Naşibaţi adooŋ abi me wa akak aŋal uwo, nafiŋa, wi nadoluŋ kë banwooŋ baanfiyaari bapaŋa.

Ulemp 28:23

Hënk, kë bamëban unuur na Pawulu, kë bañaaŋ baŧum ţi baka baluŋ abi du dko di Pawulu awaliiŋ. Aţiini na baka nfa te utaakal uţup wi Pşih pi Naşibaţi. Ado na pdo baka bayikrën uko wi Yeŧu, aţëpna ţi Bgah bi Moyiŧ, na uko wi baţupar Naşibaţi bapiiŧuŋ.

Ulemp 4:28

Bado hënk iko yi bŧi ţi mnhina mi nu na jibi ijakuŋ iluŋ kadolana.

1 Korinŧ 15:3

Uko undëmnuŋ ţi iko yi nji kaţupanaŋ uwooŋ wi nyeenkuŋ nji kak unwooŋ kë Kriŧtu akeţ apënanaan ipekadu yi nja, jibi upiiŧaniiŋ ţi Ulibra wi Naşibaţi.