Maci 17:18 - Mankanya

¹⁸ Kë Yeŧu aşë lëbar na unŧaayi kë upën ţi napoţ, kë ajeb ţi dko mënţ.

Maci 17:18 ပူးပေါင်းရင်းမြစ်များ

Maci 12:22

Unuur uloŋ baţij Yeŧu ñiinţ aloŋ i unŧaayi uneejuŋ. Awo nakuul abot biiş bţup ; ajebana, kë akak aţiini akuţ awin.

Maci 15:28

Wi wi Yeŧu aşaaŋ aji na a : « Ñaaţu, pfiyaar pi nu padëmi ! Uwoon jibi iŋaluŋ ! » Wal mënţ kë abukul aşë bi jeb jeb.

Maci 17:17

Kë aşë ŧeem aji : « Nawo bañaaŋ bawuţaan, banwooŋ baanfiyaari ! Dwo kaţo na an te lum ba ? Dwo kado kamiiran te lum ba ? Naţijaan napoţ ţi. »

Maci 17:19

Baţaşar Yeŧu bagaag na a aşë hepara aji : « We ukaaŋ kë un, ŋënhilan adook unŧaayi mënţ ? »

Maci 9:22

Yeŧu akok awina aşë ji : « Haţan ñaaţu, pfiyaar pi nu pajebanu. » Ţi dko mënţ kë ñaaţ abi jeb jeb.

Markuŧ 1:34

Ajeban bamaakal bŧi, banŧumi abot apaţ mmaak. Adook kak ŋnŧaayi ŋŧum, aşë wo aandinan ŋa ŋaţup, ţiki aaŋŋal ŋayuuj uko wi awooŋ.

Markuŧ 5:8

Aji haŋ ţiki Yeŧu aji na unŧaayi upën ţi ñiinţ.

Luk 4:41

Ŋnŧaayi kë ŋakak apën ţi bañaaŋ baŧum, aşë huuran aji : « Iwo Abuk Naşibaţi ! » Kë Yeŧu aşë bëg ŋa, aandinan ŋa ŋaţup, ţiki ŋame kë ul awooŋ Kriŧtu.

Luk 8:29

Yeŧu alëbar wal mënţ na unŧaayi upën ţi ñiinţ uŋ. Ŋyaaş ŋŧum, unŧaayi uji uneej ţi a, baji batana tan na mnkorentu këme bakiina kiin, kë aşë ji marana maran iko yi batannuluŋ, unŧaayi uşë ya na a du pndiiş.

Luk 9:42

Wi napoţ akñoguŋ Yeŧu kë unŧaayi uşë wata ţi mboş adola kë aklëŧar. Kë Yeŧu aşë bëg wa, ajebana, akakana aşin.

Ulemp 16:18

Wi wi awooŋ ţi pdo haŋ ŋnuur ŋŧum, kë Pawulu adobi deebaţ, akok aji na unŧaayi, « ţi katim ki Yeŧu Kriŧtu, dji ipën ţi a ! » Ţi dko mënţ, kë unŧaayi ubi pën pën ţi poonu.