Maci 1:23 - Mankanya

²³ « Ñaaţ anwooŋ aamme ñiinţ aluŋ kawo na kayiŋ, kabuk napoţ ñiinţ, baluŋ kaţu'a katim ki Emanuwel » uwooŋ : « Naşibaţi awo ţi pŧoofun. »

Maci 1:23 ပူးပေါင်းရင်းမြစ်များ

Kañaam 46:11

Aji : « Naţañaan, nameen kë nji dwooŋ Naşibaţi ! Dşihuŋ ŋŧaak, dşihuŋ mboş. »

Kañaam 46:7

Ŋŧaak ŋaşinţari, pşih payewlaa. Ado pdiim kë mboş manwulamëşaa.

Maci 1:24

Wi Yoŧef atenuŋ, ado jibi uwanjuŧ ujakuluŋ : ajej Mariya kë awo aharul

Maci 28:20

najukan baka pdo kaţaş iko bŧi yi njakanaŋ nado kado. Natenan : dwo na an na ŋnuur bŧi te uba umundu. »

Luk 20:44

Dayiţ aji du'a kaji “Ajugun” hum di di Kriŧtu ahinanuŋ keeri kawo abuk Dayiţ ? »

Yowan 1:14

Anwooŋ Uţup akak ñaaŋ najën abi afëţ na nja, kë ŋşë win mndëm mi nul, aŧum na bnuura abot aŧum manjoonan. Aşin awululuŋ mndëm mënţ ul anwohaŋ aloolan i abukuŋ ţañ.

Ulemp 18:9

Unuur uloŋ, na uŧejan, Ajugun ahaabëş Pawulu këş kë awina kë aji na a : « Wutan kalënk, doon kaţiini, kyomp,

Baromeŋ 8:31

Kë we wi ŋwooŋ kaţup ţi uko mënţ bŧi ? Woli Naşibaţi awo na nja, aloŋ ahinan kaşoor nja i ?

Baromeŋ 9:5

Bawo biki pntaali pi bateem nja bammeeţaniiŋ. Kë ţi pntaali mënţ pi pi Yeŧu apënnuŋ, ul ampeluŋ iko bŧi, awo Naşibaţi, awo na bnuura te mnţo ! Uwo haŋ.

2 Korinŧ 5:19

Naşibaţi abiiŋ awo ţi Kriŧtu ado bañaaŋ kë baŧiinkar na ul Naşibaţi, aanţo aten buţaan bi badoluŋ aşë ţu'un pţup uţup wi bŧiinkar mënţ.

1 Timote 3:16

Nin ñaaŋ aanhil kapok kë uko wi Naşibaţi adiimanuŋ unwooŋ uko wi ŋfiyaaruŋ udëmi : uwinana ţi Kriŧtu ambiiŋ awo ñaaŋ najën, i Uhaaş wi Naşibaţi udiimanuŋ kë awo naŧool, ul ampënuŋ awinana ţi kadun ki ŋwanjuŧ, ul i baţupuŋ ţi uko wi nul ţi kadun ki bawooŋ baanwo bayuday, ul i bañaaŋ biki mboş bafiyaaruŋ, ul andeeŋaniiŋ ţi mndëm.

2 Timote 4:17

Kë Ajugun aşë wo ţi kafeţ naan awulën mnhina mi pţup uţup wi nul bŧi, bañaaŋ banwooŋ baanwo bayuday bŧi bahilna baŧiink wa. Kë hënk di di abuuranaanuŋ ţi pkeţ.

2 Timote 4:22

Dñehan Ajugun awo na iwi, dñehan awulan an bŧi bnuura bi nul !