Luk 7:16 - Mankanya

¹⁶ Bañaaŋ bŧi balënk adiwşa, abot adëman Naşibaţi aji : « Naţupar Naşibaţi naweek apën ţi pŧoofun kë Naşibaţi abot awuli pntaali pi nul. »

Luk 7:16 ပူးပေါင်းရင်းမြစ်များ

Kañaam 65:9

Bañaaŋ banwooŋ te du kabaŋ ki mboş bawo ţi palënk wi bawinuŋ iko iñoŋarënaan yi idoluŋ. Du umayar unuur te kayoba ido kë iyeeh yi mnlilan iŧiinkanaa.

Ppën 4:31

Bafiyaara akuţ ayikrën kë Nawat Kabuka awuli baka awin mnhaj mi baka. Baŋup wal mënţ adëmana.

Maci 15:31

Bañaaŋ bañoŋar wi bawinuŋ banwooŋ baanhil bţup kë bakţup, banţakmuŋ kë bajebi, kë bankjiinkuŋ kë bakpoş bnuura, kë bakuul bakwin. Badëman wal mënţ Naşibaţi i Iŧrayel.

Maci 21:11

Kë bañaaŋ başë ŧeem aji : « Yeŧu Naţupar Naşibaţi a, awo i Naŧaret du Galilay. »

Maci 28:8

Baŧaran pduk dko di bhër, balënk abot awo na mnlilan mweek, aţi pya kaţup baţaşar Yeŧu uko unţëpuŋ.

Maci 9:8

Wi pnŧuk pi bañaaŋ pawinuŋ uko mënţ, palënk maakan, aşë wo ţi pbeeb Naşibaţi ţi uko wi awuluŋ bañaaŋ mnhina mnŧënţ mi.

Luk 1:65

Bakinţul bŧi balënk, abot añoŋar. Kë iko inţëpuŋ yuŋ imeeţana, aniink uŧaak unwooŋ du inkuŋ du Yuda bŧi.

Luk 1:68

« Najoh ŋdëman Ajugun, Naşibaţi i Iŧrayel ţiki abi ţi nja, pbuuran bañaaŋ biki nul.

Luk 19:44

Baluŋ kaŧoku, iwi na babuku. Baankwut nin katoh kaloŋ kanaţ, ţiki iinyikrën wal wi Naşibaţi abiiŋ pbuuranu. »

Luk 2:20

Bayafan bawugşa wal mënţ akak, aşë dëman Naşibaţi, abot abeeba ţi iko bŧi yi baŧiinkuŋ akuţ awin. Iko mënţ yuŋ iţëp jibi uwanjuŧ ujakuŋ na baka.

Luk 24:19

Kë aŧeem baka aji : « We ula ba ? » Kë baji na a : « Uko wi Yeŧu i ubeeka wi Naŧaret ! Abi wo Naţupar Naşibaţi anhiniiŋ, ţi udo na uţup ţi kadun ki Naşibaţi na ki bañaaŋ bŧi.

Luk 5:26

Bammaaruŋ iko mënţ bañoŋar fuţ. Bawo ţi pbeeb Naşibaţi akuţ awo na palënk aşë ji : « Ŋwin nţa iko iñoŋarënaan. »

Luk 5:8

Wi Ŧimoŋ andu'aniiŋ Piyeer awinuŋ uko mënţ, ajot ţi ihoţ yi Yeŧu aji na a : « Ajugun, lowaan ţiki dwo ñaaŋ nado buţaan. »

Luk 7:15

Nduba ankeţuŋ kë aheŧ aţo aşë jun pţup na bañaaŋ. Kë Yeŧu akakana anin.

Luk 7:39

Wi nafariŧay anduuŋ Yeŧu pyoban awinuŋ uko waŋ aşë ji ţi uşal : « Woli ñiinţ i awo lah Naţupar Naşibaţi na manjoonan, ame in awooŋ ñaaţ ankbanuluŋ hënk, na uko wi awooŋ : naţuunk ! »

Luk 8:37

Bañaaŋ bŧi du uŧaak wi Bagenaŧereŋ balënk adiwşa wal mënţ, ukaaŋ kë baji na Yeŧu « Yaani, lowun ! » kë Yeŧu aşë paya ţi bţeem kaya na bgahul.

Luk 9:19

Kë başë ŧeema aji : « Baloŋ baji iwo Yowan Nabatŧaar, kë baloŋ baji iwo Eli, kë baloŋ kak baji iwo aloŋ ţi baţupar Naşibaţi bajon annaţiiŋ ţi pkeţ. »

Yowan 1:21

Kë baŧeema aji : « Iwo in keeri ? Iwo Eli i ? » Kë aji na baka : « Mënwo Eli. » Kë bakak ajaka : « Iwooŋ Naţupar Naşibaţi i ? » Kë aji : « A-a. »

Yowan 1:25

Bakak ahepar Yowan kak aji : « Kë we ukaaŋ kë ikbatŧaar wi iwooŋ iinwo Kriŧtu, iinwo Eli, iinkak awo Naţupar Naşibaţi ? »

Yowan 4:19

Kë ñaaţ kë aşë ji na a : « Naweek, dwin kë iwo Naţupar Naşibaţi na manjoonan.

Yowan 6:14

Wi bañaaŋ bawinuŋ uko uñoŋarënaan wi adoluŋ, aşë ji : « Na manjoonan i awooŋ Naţupar Naşibaţi anwooŋ i pbi ţi mboş. »

Yowan 9:17

Wi wi başaaŋ aji kak na nakuul i bajebanuŋ : « Kë iwi, we wi işaluŋ aji awoo, wi adoluŋ kë ikak awin ? » Kë aji na baka : « Awo Naţupar Naşibaţi. »

Ulemp 5:5

Wi Ananiyaŧ aŧiinkaŋ ŧiink uko waŋ, aşë jot ţi dko mënţ, abi keţ keţ, kë bañaaŋ banŧiinkuŋ uko waŋ bŧi balënk maakan.

Ulemp 7:37

Ul Moyiŧ ajakuŋ na baiŧrayel aji : “Naşibaţi aluŋ kapënan ţi bayiţan naţuparul aloŋ ji nji pa an.”

Galaŧiya 1:24

Kë başë wo ţi pdëman Naşibaţi ţi uko wi naan.