Luk 6:27 - Mankanya

²⁷ « Kë nşë ţupan, an nanknŧinknuŋ : Naŋalan başooradan, nado kado bampokanaŋ bnuura.

Luk 6:27 ပူးပေါင်းရင်းမြစ်များ

Markuŧ 4:24

Akak aji na baka « Nadoon kaşalnţën bnuura uko wi nakŧiinkuŋ, baluŋ kaniiban na kaniibi ki najaaŋ naniibna kadoo kapelan.

Luk 23:34

[Kë Yeŧu aşë ji : « Paap, miirën baka : baamme uko wi bakdoluŋ. » Bangoli bafaaşiir imişa yi nul wi badoluŋ kanuŋ na mnlaak katenna uko wi andoli akyitanaanuŋ.]

Luk 6:22

Nanuurandëni, woli bañaaŋ başooran, adookan, akaran, aŧok katim ki nan aji nafëpaa ţiki nafiyaar Abuk Ñiinţ.

Luk 6:35

Kë naşë wo i kaţëp ţëp kaŋal başooradan, nadoon kado bnuura, kaţeeţan, kawut kahaţ balukan. Naluŋ kayeenk baluk bweek, kaşë kawo babuk Naşibaţi Andëmuŋ Maakan. Ul, annuuriiŋ na banwooŋ baanji babeeba, na banŋotuŋ. »

Luk 8:15

Kë banwooŋ mboş mnuura bajaaŋ baŧiink Uţup wi Naşibaţi na uhaaş unuura uŧool kamëban wa kabot kabuk ŋdeey ţi kamiir ki baka.

Luk 8:18

Naţaafaraan keeri ţi uŧiink wi nan, ankaaŋ baluŋ kawula kak kapelan ; kë anwaaŋuŋ, badoo yeenk yeenk uko wi aşaluŋ aji akaa. »

Luk 8:8

Ŋloŋ kë ŋaya ajot ţi mboş mnuura, anaţa, awul ŋdeey ŋŧum maakan. » Wi ajakuŋ haŋ aşë huuran aji : « Ankaaŋ ibaţ iŧiinki, aŧiinkan ! »

Ulemp 10:38

Name Yeŧu mënţ ampënnuŋ Naŧaret, nawin jibi Naşibaţi adatuluŋ awula Uhaaş wi nul na phina. Name kak kë añaay na dko bŧi ado bnuura, ajeban bañaaŋ biki Unŧaayi Uweek uknooranuŋ, ţiki Naşibaţi awo na a.

Ulemp 16:28

Pawulu kë aşë ŋajar maakan aji na a : « Kfiŋ uleefu ! Ŋwo ţi un bŧi. »

Ulemp 7:60

Wi wi aşaaŋ aŋup aşë huuh maakan aji : « Ajugun, kţo kafën baka pjuban pi badoluŋ pi. » Wi akjakuŋ haŋ aşë jëmşa.

Galaŧiya 6:10

Wi ŋhumuŋ keeri nhinaa, najoh ŋdo kalemp pa bnuura bi bayiţun banfiyaaruŋ na pa bnuura bi bañaaŋ bŧi.

1 Teŧalonika 5:15

Naţaafaraan ñaaŋ akakan buţaan bi badoluluŋ ; nadoon kado bnuura unuur unjinţi, nabot nado kado ba ţi pŧoofan na ţi bañaaŋ bŧi.

3 Yowan 1:11

Iwi nanoh naan, wutan kaligşën buţaan, doon kado bnuura. Anjaaŋ ado bnuura awo i Naşibaţi, ankdoluŋ buţaan aamme Naşibaţi.