Luk 6:21 - Mankanya

²¹ Nanuurandëni an nanwooŋ na ubon hënkuŋ, naluŋ kade kayok. Nanuurandëni, an nanwooŋ ţi ŋwooni hënkuŋ, naluŋ kado kaji.

Luk 6:21 ပူးပေါင်းရင်းမြစ်များ

Ujuni 17:17

Wal mënţ, kë Abraham aşë jot afëţ kaara ţi mboş aşë muujan. Aşal wal mënţ aji : « Ñiinţ ankaaŋ ŋşubal iñeen-week kabuk napoţ ? Këme Ŧaara ankaaŋ ŋşubal iñeen kañeen kaloŋ akbukuŋ ? »

Ujuni 21:6

Kë Ŧaara aşë ji : « Naşibaţi awulën uko wi nji kadooŋ kajiina, bañaaŋ bŧi bankŧiinkuŋ uko wi balilan na nji. »

Kañaam 28:7

Nawat Kabuka awooŋ nayeŋ i naan akuţ awo ubeel wi naan ; dţu mnhaţ mi naan bŧi ţi a, kë aji buuranaan ; uhaaş wi naan uwo na mnlilan, dbeeba na iyeeh yi naan.

Kañaam 65:4

Pjuban pi nun padiţ maakan pkuŋa, kë işë pënan ipekadu yi nun.

Maci 5:4

Bañaaŋ banwooŋ ţi ŋwooni banuurandëni ţiki Naşibaţi aluŋ kayompan baka !

Maci 5:6

Bañaaŋ banklaaŋ pdo iko yi Naşibaţi ajakuŋ na ŋhaaş ŋi baka bŧi, banuurandëni ţiki Naşibaţi aluŋ kawul baka kakëşan uko wi baklaaŋ.

Luk 1:53

Awul banwooŋ ţi kanuma iko inuura, aŧuman aşë dook bayok, kë bakak iñen ijinţ.

Luk 6:20

Kë Yeŧu aşë kat këş aten baţaşarul aşë ji : « Nanuurandëni an nanwaaŋuŋ, ţiki Pşih pi Naşibaţi pawo pi nan.

Luk 6:22

Nanuurandëni, woli bañaaŋ başooran, adookan, akaran, aŧok katim ki nan aji nafëpaa ţiki nafiyaar Abuk Ñiinţ.

Luk 6:25

Nawuţani, an nanyokuŋ hënkuŋ, naluŋ kawo na ubon. Nawuţani, an nankjiiŋ hënkuŋ, naluŋ kawo na puum kabot kawooni.

Yowan 11:35

Kë Yeŧu aşë wooni.

Yowan 4:10

Kë aŧeema aji : « Woli ime lah uko wi Naşibaţi ajaaŋ aţen abot ame ñaaŋ anjakiiŋ iţena adaan, iwi ţi uleefu ikñehanuluŋ aşë ţenu meel manjaaŋ manwul bañaaŋ ubida. »

Yowan 6:35

Kë aji na baka : « Nji, dwooŋ pde panjaaŋ pawul ubida. Ñaaŋ ankmbiiŋ ţi nji, nin ubon uunkak ade'a, kë ñaaŋ anfiyaarnuŋ, nin udaan uunkak aţija.

1 Korinŧ 4:11

Te nţa, ŋwo na ubon, udaan kë uţijun, ŋwo byişu, ŋwo ţi mnhaj, ŋwaaŋ dko dfëţ, ŋwo ţi pñaay na dko,

2 Korinŧ 11:27

Ddo ŋlemp ŋtam, awo ţi unoor, awaaŋ bŋoy ŋyaaş ŋŧum, ubon kë ude'ën, udaan uţijën, aţo ŋnuur ŋŧum awo mëndee, ujonţ kë uneejën kë nwo byişu.

2 Korinŧ 12:10

Uko waŋ ukaaŋ kë nji kalilan wal wi pţaş Kriŧtu pajaaŋ pado mbiişna, kë bakkarën, kë nwo ţi unoor, ţi mnhaj, ahaajala. Na manjoonan, wal wi mbiişniiŋ wi wi njaaŋ kawo na mnhina.

2 Korinŧ 6:10

ŋji ŋwo ji ŋjooţani kaşë wo ţi mnlilan ; ŋwo bawaaŋ aşë do bañaaŋ baŧum kë bawo bayok ; ŋwo ji bañaaŋ banwooŋ baanka ni uko uloŋ, aşë ka iko bŧi.

Yakob 1:12

Ñaaŋ anjaaŋ naţ kaliinŧ ţi unoor anuurandëni, ţiki ayeenk katuum ki ubida wi mnţo wi Naşibaţi ahoŋuŋ banŋaluluŋ, woli ayuuj mntëŋ mi nul aba.

Uko wi ayuujuŋ Yowan 21:3

Dŧiink wal mënţ pdiim pweek pampënnuŋ du pţij pi pşih aji : « Katoh ki Naşibaţi akfëţuŋ na bañaaŋ kii ki. Awo da na baka, bawo pntaali pi nul, ul ţi uleeful aşë wo Naşibaţi i baka.

Uko wi ayuujuŋ Yowan 7:16

Ubon uunkak ade baka, udaan uunkak aţij baka, bnuur baankak atër baka, këme uyook uyik uloŋ.