Luk 5:10 - Mankanya

¹⁰ Yakob na Yowan babuk Ŧebede banjaaŋ balemp na Ŧimoŋ bakak alënk maakan kak. Kë Yeŧu aşë ji na Ŧimoŋ : « Wutan kalënk, hënkuŋ bañaaŋ biki ikkakuŋ kaŧuh. »

Luk 5:10 ပူးပေါင်းရင်းမြစ်များ

Maci 13:47

Yeŧu aji na baka : « Pşih pi Baţi pakak anaam na bridiya bi bafëluŋ du bdëk kë baţij ŋţëb ŋŧum.

Maci 14:27

Ţi dko mënţ, kë Yeŧu aşë ţiini na baka aji : « Nawutan kahaajala, nji a, nawutan kalënk. »

Maci 20:20

Wal mënţ kë anin babuk Ŧebede aşë bi añoga, ul na babukul, aŋup ţi kadunul pa phepara uko uloŋ.

Maci 4:19

Aji na baka : « Naţaşaan, dkakanan baŧuh bañaaŋ. »

Maci 4:21

Aya alow btiişu akak awin batëb banţaaruŋ, Yakob na Yowan babuk ñiinţ aloŋ anwooŋ katim ki Ŧebede. Bawo ţi bţeem na aşin baka, awo ţi pboman iridiya, kë aşë du baka.

Markuŧ 1:17

Kë Yeŧu aşë ji na baka : « Naţaşaan, dkakanan baŧuh bañaaŋ. »

Luk 5:7

Wi wi baduuŋ baŧuh baŧënţ baka banwooŋ ţi bţeem btëbanţën na iñen, babi pţënk baka. Bukuŋ babi aţënk baka, kë baŧuman iţeem itëb kë ido kak yi kajiir.

Luk 5:9

Aţiini haŋ ţiki alënk adiwşa ul na baŧënţul, ţi bŧuh bi baŧuhuŋ bi.

Luk 6:14

Bawooŋ : Ŧimoŋ i aţuuŋ katim ki Piyeer, Andre aţa Ŧimoŋ, Yakob, Yowan, Filip, Bartelemi,

Yowan 21:2

Ŧimoŋ Piyeer, na Tooma i bajaaŋ bado kbet na Natanayel anwooŋ i ubeeka wi Kana du Galilay na babuk Ŧebede na baţaşar Yeŧu baloŋ batëb bawooŋ da.

Ulemp 2:4

Uhaaş wi Naşibaţi uneej aŧum ţi baka bŧi, kë bakak aţup ŋţup ŋyaanţ, andoli jibi Uhaaş wi Naşibaţi uţu'uli pţup.

2 Korinŧ 8:23

Kë ţi uko wi Tit, dŋal kajakan kaji ajaaŋ awo na nji kabot kalemp na nji ţi uko wi nan. Kë bayiţ nja ţi Kriŧtu bangakandëruŋ na a bandukiiŋ, knŧuk ki banfiyaaruŋ kayiluŋ baka, baji balemp Kriŧtu kadëmanaana.

2 Timote 2:26

Bakak wal mënţ na ŋşal ŋi baka kapën ţi bţaaw bi Unŧaayi Uweek umobuŋ baka, kë bawo ţi pdo uko wi uŋaluŋ.