Luk 4:34 - Mankanya

³⁴ « Ay, iwi Yeŧu i Naŧaret we wi ŋkaaruŋ ba ? Ibi bi pŧokun i ? Dme ñaaŋ i iwooŋ : Iwo ñaaŋ nayimanaan i Naşibaţi ayiluŋ. »

Luk 4:34 ပူးပေါင်းရင်းမြစ်များ

Ujuni 3:15

Dţu bşoorad ţi iwi na ñaaţ, ţi pntaali pi nu na pi nul. Baluŋ kanantlu bkow, kë iwi, iluŋ katib baka ţi pşoñ. »

Kañaam 16:10

Iinkluŋ kawutën du mnkeţ, iinkluŋ kawut nalemparu awin bhër.

Maci 8:29

Biinţ mënţ bawo ţi phuuran aji : « Inumi'un we ba, abuk Naşibaţi ? Ibi bi pyewlënun ji unuur wi pwayëş ubi udo kaban i ? »

Markuŧ 1:24

« Ay, iwi Yeŧu i Naŧaret we wi ŋkaaruŋ ba ? Ibi bi pŧokun i ? Dme ñaaŋ i iwooŋ : iwo ñaaŋ nayimanaan i Naşibaţi ayiluŋ. »

Markuŧ 1:34

Ajeban bamaakal bŧi, banŧumi abot apaţ mmaak. Adook kak ŋnŧaayi ŋŧum, aşë wo aandinan ŋa ŋaţup, ţiki aaŋŋal ŋayuuj uko wi awooŋ.

Markuŧ 5:7

aşë huuran na pdiim pweek aji : « We wi ŋkaaruŋ ba, Yeŧu Abuk Naşibaţi Andëmuŋ Maakan ? Dkooţu kooţ tenan ţi Naşibaţi, khajanaan. »

Luk 1:35

Uwanjuŧ uŧeema aji : « Uhaaş wi Naşibaţi uluŋ kahela ţi iwi, Naşibaţi Andëmuŋ Maakan aşë guru na mnhina mnweek mi nul ji blifi. Ukaaŋ kë napoţ nayimanaan ankluŋ kabuka akdu'ana Abuk Naşibaţi !

Luk 4:33

Kë ñiinţ aloŋ i unŧaayi uneejuŋ, aşë wo ţi katoh kañehanaani ki bayuday. Awo ţi phuuran aji :

Luk 4:41

Ŋnŧaayi kë ŋakak apën ţi bañaaŋ baŧum, aşë huuran aji : « Iwo Abuk Naşibaţi ! » Kë Yeŧu aşë bëg ŋa, aandinan ŋa ŋaţup, ţiki ŋame kë ul awooŋ Kriŧtu.

Luk 8:28

Wi awinuŋ Yeŧu aşë fuŧ idiim ajot ţi ihoţ yi nul ahuuran maakan aji : « Inumiyaan we ba Yeŧu, Abuk Naşibaţi Andëmuŋ Maakan ? Dkooţu kooţ, khajanaan ! »

Luk 8:37

Bañaaŋ bŧi du uŧaak wi Bagenaŧereŋ balënk adiwşa wal mënţ, ukaaŋ kë baji na Yeŧu « Yaani, lowun ! » kë Yeŧu aşë paya ţi bţeem kaya na bgahul.

Ulemp 16:39

Wi wi bayaaŋ akooţ baka bamiir baka, apënan baka ţi ukalabuş, aşë ñehan baka bapën ţi ubeeka.

Ulemp 2:27

ţiki iinkwutan uhaaş wi naan uya ufëţ du mnkeţ, akak awo iinkwutën, nji ñaaŋ nalemparu naweek mpuţ.

Ulemp 3:14

Ñiinţ, anwooŋ najinţ naŧool, ul i i napokuŋ aşë ñehan bawutan nafiŋ bañaaŋ.

Ulemp 4:27

Aa wo ! Herod na Ponŧ Pilat bayitiir ţi ubeeka wi, na banwooŋ baanwo bayuday, na bayuday, anaţara Yeŧu nalemparu nayimanaan, i idatuŋ aji awo Kriŧtu.

Bahebërë 2:14

Hënk keeri, kë jibi bañaaŋ mënţ bawooŋ bañaaŋ bajën, hënk di Yeŧu akakuŋ ñaaŋ najën ji baka, ahilna ţi pkeţ pi nul aba na Unŧaayi Uweek unkaaŋ mnhina mi pkeţ.

Yakob 2:19

Ifiyaar kë Naşibaţi awo aloolan ţañ ? Ido bnuura – ŋnŧaayi kak ŋafiyaar uko mënţ, aji ŋalënk kakat kat.

1 Yowan 3:8

Nado pekadu awo i Unŧaayi Uweek, wul uwo udo pekadu du ujuni. Kë Abuk Naşibaţi aşë bi bi pŧok iko yi Unŧaayi Uweek ukdoluŋ.

Uko wi ayuujuŋ Yowan 20:2

Uya mob unjumpul, upula wi ţfa, wul uwooŋ Unŧaayi Uweek, Ŧatana aşë tan wa pa ŋşubal iñeen-week ŋyaaş iñeen (1000).

Uko wi ayuujuŋ Yowan 3:7

Ajakën kak : « Piiŧan banfiyaaruŋ biki Filadelfiya iji na baka : “Anwooŋ nayimanaan, anwooŋ Manjoonan, awo na kaniigşaani ki Dayiţ naşih, anjaaŋ ahaabëş bë nin ñaaŋ aanji dëŧ, anjaaŋ adëŧ bë nin ñaaŋ aanji haabëş aţiini aji :