Luk 4:23 - Mankanya

²³ Kë Yeŧu aşë ŧeem aji : « Dme bnuura kë naleşanaan uhoñ unjakuŋ aji : “Iwi nakuraar, duni ijeban uleefu” kakuţ kajakën : “Baţupun uko wi idoluŋ du ubeeka wi Kapernawum. Kaki ido haŋ ţi ubeeka wi nu !” »

Luk 4:23 ပူးပေါင်းရင်းမြစ်များ

Maci 13:54

Aya du dko di akuşnaaniiŋ aşë jukan bañaaŋ du katoh kañehanaani ki baka, kë badoo ñoŋar aji : « Ţuŋ di di akaanuŋ uşal unŧuŋa wi ? Hum di di ahiluŋ ado mlagre mi bŧi ba ?

Maci 4:13

Apën du ubeeka wi Naŧaret aya afëţ du wi Kapernawum. Uwo du kabaŋ ki bdëk, kañog ŋŧaak ŋi Ŧabulon na Neftaliya.

Maci 4:23

Yeŧu aji ñaay na uŧaak wi Galilay bŧi kajukan ţi itoh iñehanaani, kabot kaţup Uţup Ulil Unuura wi Pşih pi Baţi, kajeban mmaak bŧi na pţakëm bŧi ţi bañaaŋ.

Markuŧ 6:1

Yeŧu apënna da, aya ubeeka wi akuşnaaniiŋ, kë baţaşarul bagakandër na a.

Luk 2:39

Wi Yoŧef na Mariya babaaŋ pdo iko bŧi jibi Bgah bi Ajugun bajakuŋ, bawugşa akak uŧaak wi Galilay, du Naŧaret, ubeeka wi baka.

Luk 2:51

Wi wi Yeŧu aşaaŋ awugşa akak Naŧaret na bajugul, aji ŧiink baka. Kë anin ahank ţi kaţëb ki nul iko bŧi yi aŧiinkuŋ abot awin.

Luk 4:16

Yeŧu aya Naŧaret di akuşnaaniiŋ, aya aneej du katoh kañehanaani ki bayuday ţi unuur wi pnoorfën, jibi ajonuŋ kado. Anaţa aya pleyiir Ulibra wi Uţup wi Naşibaţi,

Luk 4:31

Yeŧu aya wal mënţ Kapernawum, ubeeka uloŋ wi uŧaak wi Galilay, ţi unuur wi pnoorfën wi bayuday, awo ţi pjukan bañaaŋ.

Luk 4:35

Kë Yeŧu aşë lëbar na wa, aji : « Yompaan mntum, pënan ţi ñaaŋ ! » Kë unŧaayi uşë wat ñiinţ ţi kadun ki bañaaŋ bŧi, aşë pën ţi a, uundola nin buţaan bloŋ.

Luk 6:42

Hum di di ihinanuŋ kaji na aŧënţu, “ayiţ naan, biin mpënanu katëmal ţi pkëş,” aşë wo iinwin pmul panwooŋ ţi pi nu ? Iwi naŧaaki, duni ipënan pmul panwooŋ ţi pkëş pi nu ! Woli ipënan pa kbaa hil kawin bnuura, kapënan katëmal kanwooŋ ţi pkëş pi aŧënţu ! »

Yowan 4:28

Wal mënţ ñaaţ aduk pdunk pi nul, aya du ubeeka aji na bañaaŋ :

2 Korinŧ 5:16

Hënkuŋ keeri, ŋënkak aji ŋten ñaaŋ jibi bañaaŋ bajën bajaaŋ batena. Hënk, woli ŋdoo ten ţfa Kriŧtu na këş ki bañaaŋ bajën, hënkuŋ ŋënkak atena haŋ.