Kë Filip aya awin Natanayel aji na a : « Ŋwin ñaaŋ i Moyiŧ aţiiniyaanuŋ ţi Ulibra wi Bgah, i baţupar Naşibaţi bandukiiŋ bakaaŋ aţiiniyaan ! Yeŧu i Naŧaret a, abuk Yoŧef. »
Ŧimoŋ Piyeer akak aji na baka : « An bañaaŋ biki Iŧrayel naŧiinkan bnuura uko wi nji kaţupuŋ : Naşibaţi ayil Yeŧu i Naŧaret ayuujna ţi a mlagre na iko iñoŋarënaan iŧum, indiimanuŋ phina pi nul jibi nameeŋ wa an ţi ŋleefan.
Nawoon bame, an bŧi, na bañaaŋ bŧi biki Iŧrayel bandukiiŋ kë ţi katim ki Yeŧu i Naŧaret ki ki ñiinţ annaţuŋ uŋ ajebnuŋ. Yeŧu i napaŋuŋ, kë Naşibaţi aşë naţana ţi pkeţ, ul akaaŋ kë ñiinţ i akak najeb ahil anaţ ţi kadunan.
