Luk 11:32 - Mankanya

³² Ţi unuur wi pwayëş, bañaaŋ biki Niniwe baluŋ kanaţa na biki kawuuŋ ki kayuuj kë baduknaana, ţiki bukal biki Niniwe, babi wut pjuban wi baŧiinki uţup wi Yonaŧ, aloŋ kë aşë wo ţi, ampeli Yonaŧ. »

Luk 11:32 ပူးပေါင်းရင်းမြစ်များ

Yonaŧ 3:4

Yonaŧ ajunna ado unuur upëb apoş na ubeeka aşë ţup bañaaŋ aji : « Naŧiinkan, uduka ŋnuur iñeen ŋbaakër Niniwe daşë daŧoka. »

Yonaŧ 3:5

Bañaaŋ biki Niniwe bafiyaar uko wi Nawat Kabuka ajakuŋ aşë yiman bukal bŧi, awohara ŋşaaku du baweek te du anwoonuŋ nampoţi ţi baka.

Yonaŧ 4:9

Kë Naşibaţi aşë hepara aji : « Ifaŋaari wi ideebaţuŋ ţi uko wi bko buŋ i ? » Kë Yonaŧ aŧeema aji : « Aa, ddo bnuura wi ndeebaţuŋ ţi uko wi bko buŋ adoo hokan kakeţ. »

Maci 12:39

Kë aŧeem baka aji : « An kawuuŋ kawuţaan ki, kandekuŋ Naşibaţi kafeţ, nawo ţi phepar uko unkdiimanuŋ kë dwo i Naşibaţi, naankwin nin uko uloŋ umpaţi na wi Yonaŧ Naţupar Naşibaţi adiimanuŋ.

Maci 12:41

Ţi unuur wi pwayëş bañaaŋ biki Niniwe baluŋ kanaţa na bañaaŋ biki kawuuŋ ki, kadiiman baka kë baduknaana, ţiki bawut pjuban wi baŧiinkuŋ uţup wi Yonaŧ ! Kë aloŋ aşë wo ţi ampeluŋ Yonaŧ !

Luk 11:31

Ţi unuur wi pwayëş Naşih ñaaţ i uŧaak wi Ŧaba aluŋ kanaţa na bañaaŋ biki kawuuŋ ki, kayuuj kë baduknaanaa, ţiki awoona du kabaŋ ki umundu pbi kaŧiink uţup unŧuŋa wi Ŧalomoŋ naşih, kë aloŋ aşë wo ţi ampeluŋ Ŧalomoŋ naşih.

Bahebërë 7:26

Yeŧu awooŋ keeri naşih i baţeŋan i ŋnumiiŋ. Ayimani, aanjuban nin, ajinţ ţi këş ki Naşibaţi, apën ţi bado buţaan adeeŋana du baţi duuţ.