21 Iluŋ kahoţan mndëm mi naan, iluŋ kabi katëŋţënaan.
Ul ajaaŋ ajukanaan ugut ; ul ajaaŋ ajukanaan pgut na kaşuuri kanţak.
Woli ddoo poş du bdëm bi bnjiir, mënji kalënk ţiki iwi iwo na nji : iji kţoŋën kabot kabeelën, waŋ uktëŋţënaanuŋ.
Ñaaŋ i buţaan aji yewla kë Nawat Kabuka aşë ji boof ñaaŋ anhaţuluŋ na uŋal wi nul unwooŋ uunkba.
Nawulën ŋbeeb Naşibaţi. Adoluŋ kë Kriŧtu akob Ŧatana awat kë ŋţok ţi pwat pi awatuluŋ. Aji ţëpna ţi nja kado Kriŧtu ameeţana kaniink dko bŧi jibi ukëra ulil pţëkëñ ujaaŋ uniink dko.
Uko mënţan utëŋţënuŋ un. Ŋkak alilan maakan ţi uko wi Tit alilandëranaŋ ; an bŧi najoobţëna uhaaş.
Kë Naşibaţi anjaaŋ atëŋţën biki bapoţënuŋ aşë tëŋţënun na ubi wi Tit.
Kë hum di di ŋhilanuŋ kabeeb Naşibaţi kadoo kakëşan ţi uko wi nan ? Nawulun mnlilan mnweek ţi kadun ki nul.
Wi iko yaŋ iţëpuŋ, uwanjuŧ uţënk paaj na uloŋ ululi, kë idiim iweek işë ŧiinkana du baţi aji : « Pşih pi mboş pawo hënkuŋ pi Ajugun na Kriŧtu i adatuŋ ; aşih te mnţo. »
