16 Bañaaŋ bankjiiŋ nji, bakeţan na mnkow.
Iwi, Nawat Kabuka, ikaaŋ kë nji kaluŋ kadëmanu du dko dyiti di bañaaŋ baŧum ; dluŋ kado uko wi nhoŋuŋ ţi kadun ki bañaaŋ banjaaŋ baŧiinku.
Jibi udu ujaaŋ uwayşër, hënk di di ijaaŋ kwayëş baka. Jibi mbeela manjaaŋ mayuuy ţi bdoo, hënk di bañaaŋ bajooţ bakkeţuŋ ţi kadun ki Naşibaţi.
Wi bayuday na bagrek banfëţuŋ du Efeŧ baŧiinkuŋ uko waŋ, aşë lënk maakan, abot adëman katim ki Yeŧu Ajugun.
