20 Apënanaan alowan du ; aŋalën, ukaaŋ kë abuuranaan.
Dwo najinţ piş ţi këş ki nul, ddoonaan awo mënjuban nin.
Ñaaŋ anwooŋ aanjubani a ; ñaaŋ anwooŋ na uhaaş ujinţ a ; ñaaŋ anwooŋ aanţu uhaaş ţi iko inaaf a ; ñaaŋ anwooŋ aanji mehna kaguurna bañaaŋ a.
Nawat Kabuka, dñow iñen yi naan kadimanaan kë dwo naŧool ţi kadun ki nu, kafooyna bliit bi mngur bi nu
Iinwutën du iñen yi naşoorad naan, inaţanaan, alowanaan du.
uţen wi nu uhilna uwo uunkmeeţana. Woli ido haŋ, Naşibaţi Şaaş anjaaŋ awin iko yi bañaaŋ bawooŋ baanji bawin, aluŋ kaluku. »
Anŧepiiŋ na antulanuŋ bawo baloolan, kë andoli ţi baka aşë luŋ kayeenk baluk bi nul bankliŋuŋ na ulemp wi adoluŋ.
Yeŧu awooŋ keeri naşih i baţeŋan i ŋnumiiŋ. Ayimani, aanjuban nin, ajinţ ţi këş ki Naşibaţi, apën ţi bado buţaan adeeŋana du baţi duuţ.
