Galaŧiya 4:6 - Mankanya

⁶ Pa pyuuj kë nawo babukul, Naşibaţi aţu ţi ŋhaaş ŋi nun Uhaaş wi Abukul unjaaŋ uhuuran kaji « Abba, Paap ! »

Galaŧiya 4:6 ပူးပေါင်းရင်းမြစ်များ

Markuŧ 14:36

Aji : « Abba, Paap, iwi inhiniiŋ iko bŧi, lowaan mnhaj mi ţi nji ; uşë uwut kawo uko wi nŋaluŋ, wi iŋaluŋ ukdolaniiŋ. »

Luk 11:13

Woli an nandooŋ awo bado buţaan name pwul babukan iko inuura, naşalanuŋ ŋyaaş hum ŋi ŋi Aşinan i baţi ahilanuŋ kaţen bankñehanuluŋ Uhaaş wi nul ? »

Luk 11:2

Kë Yeŧu aşë ji na baka : « Woli nañehan Naşibaţi najaan naji : Paap, katimu kayiman, pşihu pabi.

Yowan 14:16

Nji nşë luŋ ñehan Paapa awulan Naţënkar aloŋ ahilna awo na an te mnţo :

Yowan 15:26

« Dluŋ kayil Naţënkar aloŋ, anwooŋ Uhaaş wi manjoonan unwoonuŋ du Naşibaţi Paapa. Woli ubii, uluŋ kaţup uko wi umeeŋ ţi nji.

Yowan 16:7

Kë nşë ţupan manjoonan, uwo bnuura pa an nji nya. Woli mënyaa, Anwooŋ i Kaţënkan aankbi ţi an, nşale ya kayila ţi an.

Yowan 3:34

Naşibaţi aji wul ñaaŋ i ayiluŋ Uhaaşul kakëşan aşë kaţup uţup wi Naşibaţi.

Yowan 7:39

Yeŧu aţiiniyaan ţiiniyaan wal mënţ Uhaaş wi Naşibaţi wi banfiyaaruluŋ bawooŋ biki kabi kayeenk. Naşibaţi aandobi wul Uhaaşul wal mënţ ţiki aando bi dëman Yeŧu.

Ulemp 16:7

Wi bañoguŋ uŧaak wi Miŧiya, aşë do na pneej Biŧiniya, kë Uhaaş wi Yeŧu uşë wo uundinan baka.

Baromeŋ 5:5

Mnhaţ maanji manguur ñaaŋ nin. Naşibaţi aţëpna ţi Uhaaş wi nul wi awuluŋ nja, aŧuman uŋalul ţi ŋhaaş ŋi nja.

Baromeŋ 8:9

Hënkuŋ naankak aţaş iko yi ŋleefan ŋaŋaluŋ, naţaş Uhaaş wi Naşibaţi, unwooŋ ţi an. Bañaaŋ banwooŋ baanwo na Uhaaş wi Yeŧu Kriŧtu, baanwo biki nul.

1 Korinŧ 15:45

Upiiŧana ţi Ulibra wi Naşibaţi aji : « Ñiinţ naŧeek, Adam, awo ñaaŋ najën i Naşibaţi awuluŋ uhefënţ. » Kë Adam natëbanţën anwooŋ Kriŧtu, aŧum na Uhaaş wi Naşibaţi unjaaŋ uwul ubida.

2 Korinŧ 1:22

adiiman kë ŋwo biki nul wi aţuuŋ uhaaş wi nul ţi nja, wul uwooŋ uko ujuni ţi iko yi ahoŋuŋ aji aluŋ kawul nja.

2 Korinŧ 3:17

Kë Ajugun na Uhaaş wi Naşibaţi başë wo baloolan, kë dko di Uhaaş wi Ajugun uwooŋ, dul di di mbuur manwooŋ.

Efeŧ 1:13

An kak namëbandër na Kriŧtu wi naŧiinkuŋ uţup wi manjoonan, Uţup Ulil Unuura unkbuurananaŋ. Kë wi nafiyaaruŋ, Naşibaţi awulan Uhaaş wi nul wi ahoŋuŋ kadiiman kë nawo biki nul.

Efeŧ 2:18

Ul aţëpnuŋ ţi Uhaaş wi Naşibaţi unwooŋ uloolan aţu kë un bayuday na banwooŋ baanwo bayuday ŋhil aban du Naşibaţi Aşin nja.

Efeŧ 4:30

Nawutan kaţu Uhaaş wi Naşibaţi ujooţan ; Uhaaş wi nul wi aţu'anaŋ wi wi akluŋ kayikrënaanan ţi unuur wi mbuur.

Efeŧ 6:18

Nadoon kañehan Naşibaţi kakooţa ŋwal bŧi, Uhaaş wi nul udo kaţënkan ţi uko mënţ ; natamaan nawut kayoont iñeen nin unuur uloolan ţi pdo kañehandër banwooŋ biki Naşibaţi bŧi.

Filipiya 1:19

dme kë uţij mbuur mi naan, ţiki nañehandëraan, kë Uhaaş wi Yeŧu Kriŧtu ubot aţënkën.

1 Teŧalonika 4:8

Ukaaŋ kë ñaaŋ ampokuŋ pjukan pi, mënţ ñaaŋ i i apokuŋ, Naşibaţi a, ul anwulanaŋ Uhaaş wi nul.

1 Piyeer 1:11

Uhaaş wi Kriŧtu ubi wo ţi baka, udobi ţupa ţup mnhaj mi Kriŧtu akhajuŋ na mndëm mankmbiiŋ kawo mi nul aşë taman kame wal na hum di uko mënţ ukdolaniiŋ.

Yud 1:20

Kë an biki nŋaluŋ maakan, namëbaan naliinŧ ţi uŋal wi Naşibaţi aŋalanaŋ. Natamaan naliinŧ ţi pfiyaar pyimanaan maakan pi nafiyaaruŋ nado kaya kadun ţi pa, nado kañehan na mnhina mi Uhaaş wi Naşibaţi, nayoonk Yeŧu Kriŧtu Ajugun awulan mñaga mi nul mankwuluŋ ubida wi mnţo.

Uko wi ayuujuŋ Yowan 19:10

Wal mënţ kë nşë jot ţi ihoţ yi wa kadëman wa. Kë uşë ji na nji : « Ţaafaraan kado uko wi ! Dji kalempar Naşibaţi ji iwi na bayiţu bammëbanuŋ uţup wi Yeŧu. Naşibaţi i i iwooŋ kadëman ! Uţup wi Yeŧu wi wi Naşibaţi aţuuŋ ţi baţuparul. »