Efeŧ 5:23 - Mankanya

²³ Ñiinţ awooŋ ajug katoh jibi Kriŧtu awooŋ ajug banfiyaaruŋ. Banfiyaaruŋ bawooŋ uleef wi Kriŧtu, kë ul ţi uleeful ajaaŋ abuuran baka.

Efeŧ 5:23 ပူးပေါင်းရင်းမြစ်များ

Ulemp 20:28

Nalipariin ŋleefan, na batani bŧi bi Uhaaş wi Naşibaţi uwulanaŋ, aji nado kayeŋ. Namëbaan banfiyaaruŋ Naşibaţi biki bnuura. Yeŧu atul pñaakul, pbuuranaan pnŧuk pi nul.

1 Korinŧ 6:13

Baloŋ ţi an baji baji : « Uko ude uwo wi kayiŋ, kë kayiŋ kawo ki uko ude » kë Naşibaţi aşë luŋ kaba na yul bŧi. Kë uleef uşë wo uunwo wo pdo kajubanaan pjuban pi piinţ, uwo wi Ajugun, ul amëbanuŋ wa.

Efeŧ 4:15

Ŋbaa ţëp ţëp kado kaţup manjoonan na uŋal, kaşë kado kanaam naam Kriŧtu pya, ul anwooŋ bkow.

Efeŧ 5:24

Jibi banfiyaaruŋ bajaaŋ baŧiink Kriŧtu, hënk di di baaţ bawooŋ kado kaŧiink bayin baka ţi iko bŧi.

Koloŧ 1:18

Banfiyaaruluŋ bŧi bawooŋ uleeful, ul kaşë awo bkow. Ul awooŋ ujuni, naŧeek ţi banknaţiiŋ ţi pkeţ, ahilna kawo naŧeek ţi iko bŧi.

1 Teŧalonika 1:10

kayoonkna ubi wi Abukul Yeŧu ankluŋ kawoona baţi, i anaţanuŋ ţi pkeţ, ankbuuranuŋ nja ţi udeeb unkmbiiŋ.

Uko wi ayuujuŋ Yowan 19:7

Nawulan ŋwo ţi mnlilan na mnŧaŋ ŋbot ŋdëmana, ţiki bniim bi anwooŋ unkaneel wi bţeŋan babani, kë aharul añëga bnuura.

Uko wi ayuujuŋ Yowan 5:9

Bayeeh kayeeh kahalu aji : « Iŧaaŋ na pyeenk ulibra kapënan iko indëŧnuŋ wa ţiki ibi faalana, na pñaak pi nu ikakan du Naşibaţi bañaaŋ biki kşini bŧi, ŋţup bŧi, kntaali bŧi na ŋŧaak bŧi.