Efeŧ 4:31 - Mankanya

³¹ Napënaan ţi pŧoofan iko bŧi inwooŋ iŧënţ phank ñaaŋ ţi uhaaş, bşoorad, udeeb, pdeeŋ pdiim, bkuutar na pdo kado iko bŧi yi mnŋot.

Efeŧ 4:31 ပူးပေါင်းရင်းမြစ်များ

Ujuni 27:41

Eŧawu adeebaţër Yakob maakan ţi uko wi aşin añehandëruluŋ Naşibaţi aşë ji ţi uşal : « Wal wi Paapa akkeţuŋ uñogi. Wal mënţ dfiŋ Yakob aţa'naan. »

Ujuni 37:21

Kë Ruben aşë ŧiink baka, aŋal pbuuran Yoŧef. Aji na baka : « Ŋwut kafiŋa.

Ujuni 37:4

Kë babuk aşin başë win kë aşin baka aŋala apel baka, kë başë şoor Yoŧef adoo wo baanji baţiini na a bnuura.

Ujuni 4:8

Kayin kë aşë ji na Abel aţa'ul : « Biin ŋya uţeeh. » Kë wi bawooŋ du uţeeh, kë Kayin aşë dëpa ţi Abel afiŋ.

Kañaam 15:3

Aanji do mntum kaţupna buţaan ţi bañaaŋ, aanji do aŧënţul buţaan, aanji kar aŧënţul.

Kañaam 50:20

Iji kţo katapar ayiţu bţup ; iji kkuut ñaaŋ i nabootuŋ.

Kañaam 64:3

Lowanaan bŧiinkar bi bado buţaan ! Lowanaan byit bi baţak buţaan.

Ulemp 21:30

Kë phomp paniink ubeeka bŧi, bañaaŋ kë babi pnŧuk, abi añaŋ Pawulu, apul pulan apënana bdig aşë dëŧ ilëman.

Baromeŋ 3:14

Mntum mi baka manŧum na bkarad na ŋţup ŋjooţ

1 Korinŧ 14:20

An bayiţ naan ţi Kriŧtu, nawutan kawo bapoţ ţi uko wi uşal, nawoon baka ţi uko wi buţaan, naşë nawo bantohi ţi uko wi najaaŋ naşal.

1 Korinŧ 5:8

Nawulën keeri ŋdo ufeŧtu, ŋwut kawo na mnŋot na ipekadu ji ipoom inwooŋ na uko utaajanaani pşon ujon, ŋwo bañaaŋ bajinţ ţi këş ki Naşibaţi, banjaaŋ baţup manjoonan, banwooŋ ji pşon phalu.

2 Korinŧ 12:20

Uko wi nji kaţiiŋ uwooŋ pbi kaţënk naanwo jibi nŋaluŋ. Uko wi nji kaţiiŋ uwooŋ woli dbi aban du an, kaţënkan nawo jibi nwooŋ mëŋali nabot naţënkën nwo jibi nawooŋ naanŋali. Mënŋal pŋom, bkujar, udeeb, na kantenaruŋ, na bkarad na bkuutar, na phomp na parëfa iwo ţi pŧoofan.

Galaŧiya 5:20

pdëman ŋnŧoŋ na pkaalam. Bşoorad, pŋom, bkujar, udeeb uweek, bpulad, ppaţşër, pdo bañaaŋ bandoli baţo du umbaŋ wi baka.

Efeŧ 4:22

nawo i kaduk iko yi nakdoluŋ ţfa, kaţëlëş mnwo mi nan mi ţfa. Uŋal wi uleef ujaaŋ uguuran kadoo ţijan du pkeţ.

Efeŧ 4:25

Hënk, nawutan kaţilan : Andoli ţi an adoon kaţup aŧënţul manjoonan ţiki ŋnaakiir awo nja bŧi uleef uloolan.

Efeŧ 4:26

Nadeebaţle nawutan kawut udeeb wi nan uţu'an pdo ipekadu. Nawutan kawo na udeeb te unuur udoo ujot.

Koloŧ 3:19

An biinţ naŋalan baharan nawut kado kalëbar na baka.

Koloŧ 3:8

Kë hënkuŋ, napënaan iko yaŋ bŧi ţi ubida wi nan ; nawutan kado kadeebaţ, kado kahank ñaaŋ ţi kaţëb, kawo na bjooţ ; nawutan kado kakarad, uţup uloŋ ukowëndënaan uwutan kapën ţi mntum mi nan.

1 Timote 3:11

Kë hënk kak di di baaţ bawooŋ kawo. Bawo kawo baaţ banŧiinkaniiŋ, banwooŋ baanji bakuutar, banţijanuŋ ŋleef ŋi baka abot awo baŧool ţi iko bŧi yi bajaaŋ bado.

1 Timote 3:3

Aanwo kawo nakuj këme naŋal pŋom, awo kajoob bkow, kawo bnuura na bañaaŋ, kalow itaka.

1 Timote 5:13

Kë hënk, wi bawooŋ baanka uko udo, baji bañaay na itoh, kapaf ţuŋ pwaaŋ uko udo puŋ bţup bŧum na bkuutar, kaţiiniyaan iko inwooŋ iinwo kado kaţiiniyaan.

2 Timote 2:23

Pënan ţi blaţar banwaaŋuŋ udooni, ime kë baji baţij pŋom.

2 Timote 3:3

Baluŋ kadënëţ ŋhaaş, kawo baankñaga, kakuutar, kawo baankhil pţoorandër, kaŋoonk, kabot kapok uko unuura.

Tit 1:7

Na manjoonan naweek i banfiyaaruŋ awo namali i Naşibaţi ukaaŋ kë awo i kawo ñaaŋ i nin aloŋ awooŋ aanka uko uţup ţi a, aanwo kawo nahomp, këme naŧar udeeb, nakuj, naŋal ugut, aanwo kawo naguurad ţi uko wi itaka.

Tit 2:3

Ţiiniin kak na baaţ baweek iji na baka, mnwo mi baka manwo kalil Naşibaţi, bawo kalow bkuutar, kawut pjotan poot kadun, kaşë kado kajukan iko inwooŋ inuura.

Yakob 1:19

An bayiţ naan biki nŋaluŋ maakan nawo i kame kë : ñaaŋ aji wo i kaŧar ţi pŧiink aŧënţul, kanoom ţi pţiini, kanoom ţi udeeb.

Yakob 3:14

Bë woli uhaaş winan uŧum na bkujar bweek kë nawo na uşal wi blaţar, naanwoyi kahomp kaji nawo na uşal unŧuŋa. Naanwoyi kaţup uko unwooŋ uunwo manjoonan.

Yakob 4:11

Bayiţ naan, nawutan kakuut baŧënţan, ankkuutuŋ aŧënţul këme aten buţaan bi aŧënţul, aţup buţaan ţi Bgah bi Naşibaţi abot ayuuj ţi udo wi nul mënţ kë baannuura. Kë woli ido haŋ, iinji kţaş ba, iwo nawayëş i ba.

1 Piyeer 2:1

Naţañaan keeri buţaan bŧi, kaguuru na kalagare na pñeebar iko yi ñaaŋ na bkuutar.

1 Yowan 3:12

Ŋënwo kado ji Kayin anwooŋ i Unŧaayi Uweek, afiŋ aţa'ul. Kë we ukaaŋ kë afiŋ aţa'ul ? Aji do buţaan kë aţa'ul aşë ji do iko inwooŋ iŧool.

1 Yowan 3:15

Ñaaŋ anşooruŋ ayiţul ţi Kriŧtu awo nafiŋ bañaaŋ ; kë naşë me kë bafiŋ bañaaŋ baanji baka ubida wi mnţo.

Uko wi ayuujuŋ Yowan 12:10

Kë nşë ŧiink pdiim pweek du baţi kë pakji : « Wal wi mbuur ubani, wal wi mnhina na pşih pi Naşibaţi i nun, wal wi Kriŧtu i adatuŋ akdooŋ kaşih ! Ñaaŋ anjaaŋ atapar bayiţ nja ţi Kriŧtu ñaaŋ anjaaŋ aya du Naşibaţi i nun katapar baka unuur bŧi na uŧejan bŧi awatana du mboş.