Efeŧ 3:20 - Mankanya

^20-21 Mnhina mi Naşibaţi manjaaŋ manlemp ţi nja, ukaaŋ kë ahil pdo adoo pel maakan iko bŧi yi ŋhilanuŋ kañehan këme kadoo kaşal. Najoh ŋdo kadëmana te mnţo, ţi banfiyaaruŋ bŧi na ţi Yeŧu Kriŧtu. Uwo haŋ.

Efeŧ 3:20 ပူးပေါင်းရင်းမြစ်များ

Ujuni 17:1

Wi Abram akaaŋ ŋşubal iñeen kañeen kaloŋ na kañeen kaloŋ (99), kë Yawe Nawat Kabuka aşë pën awinana ţi kadunul aji na a : « Nji dwooŋ El Şaday, Naşibaţi Anhiniiŋ iko bŧi ; doon kaţaşën ibot ido kaŧiinkën.

Ujuni 18:4

Yoonkaan ddo baţijan meel, nañow ihoţ naşë naţo nanoorfën ţi bko bi uţeeh.

Ppën 34:6

Aţëp ţi kadunul aşë ji : « Nji dwooŋ Yawe Nawat Kabuka anjaaŋ añaga, kaŧiink mnţëg, anwooŋ aanŧar udeeb, anjaaŋ aŋal te mnţo abot aji do uko wi ajakuŋ.

Maci 3:9

Nawutan kaşal kaji : “Ŋwo biki pşini pi Abraham !” Dţupan, Naşibaţi ahilan kakakan mnlaak mi babuk Abraham.

Yowan 10:10

Nakiij abi bi ţañ pa pkiij, kafaal, kabot kaŧok ŧokan. Nji dbi pa bañaaŋ baka ubida, bakak baŧum na wa.

Baromeŋ 16:25

Nawulën ŋdëman Naşibaţi ! Aka mnhina mi pdolan naliinŧ ţi pfiyaar. Uko waŋ wi wi nji njakuŋ wi nji kaţupuŋ Uţup Ulil Unuura unkţiiniyaanuŋ uko wi Yeŧu Kriŧtu, kadiiman manjoonan mammenaniiŋ undiimaan.

Baromeŋ 4:21

Afiyaar na manjoonan kë uko wi Naşibaţi ahoŋuŋ bŧi, aka mnhina mi pdo wa.

1 Korinŧ 2:9

Hënk di di upiiŧaniiŋ ţi Ulibra wi Naşibaţi aji : « Uko wi nin pkëş pawooŋ paanwini, uko wi nin kabaţ kawooŋ kaanŧiinki, uko wi nin uşal uwooŋ uunşali, wi wi Naşibaţi ahankuŋ pa banŋaluluŋ. »

2 Korinŧ 9:8

Kë aşë wo na mnhina mi pwulan iko iŧum inuura indoli, nahilna naka iko bŧi nakëşan nadoo naduka na uko udo kaţënkna bañaaŋ.

Efeŧ 1:19

nabot nayikrën pdëm pweek maakan pi mnhina mi adoluŋ kë manklempar nja, ŋnfiyaaruŋ Kriŧtu.

Efeŧ 3:7

Uţup Ulil Unuura mënţ, Naşibaţi aţenën ţi bnuura bi nul mnhina mi nul ndo kaţupna wa.

Koloŧ 1:29

Uko mënţ ukaaŋ kë nji kalemp, agutan na mnhina bŧi manwooŋ ţi nji, mi Kriŧtu awulnuŋ.

1 Timote 1:14

Kë hënk di Yeŧu Kriŧtu Ajugun aŧumanaanuŋ na bnuura, ado kë nwo ţi ploolan na a, nhilna nfiyaara mbot nŋal bañaaŋ.

Bahebërë 11:19

Abraham afiyaar kë Naşibaţi aka mnhina mi pnaţan bañaaŋ ţi pkeţ ; uko mënţ ukaaŋ kë Naşibaţi akakana abukul, kë uko mënţ uwo wo ji Naşibaţi anaţan Iŧaak ţi pkeţ.

Bahebërë 7:25

Uko waŋ ukaaŋ kë ahilan kabuuran te mnţo banjaaŋ baţëpna ţi a kañog Naşibaţi. Awo najeb te mnţo awo ţi pñehandër baka Naşibaţi.

Yakob 4:12

Naşibaţi ţañ ajaaŋ awul Bgah, kë ul kak ţañ awooŋ nawayëş. Ul ţañ ahilanuŋ pbuuran këme pŧok. Kë iwi, iwo in adoo ten buţaan bi aŧënţu ?

2 Piyeer 1:11

Hënk di di Naşibaţi akhaabëşanaŋ bnuura plëman pneeji du pşih panwooŋ paankba pi Ajugun, Nabuuranun nja Yeŧu Kriŧtu.

Yud 1:24

Nawulën ŋdëman Naşibaţi anwooŋ aloolan ţañ, anţëpnuŋ ţi Yeŧu Kriŧtu Ajugun abuuran nja. Ul ahiluŋ kayeŋan nawutna kajot ţi pekadu, kadolan nanaţ ţi kadunul ul anwooŋ na mndëm, nawo bañaaŋ bajinţ, nawo na mnlilan mnweek. Naşibaţi awo naweek, ajug mndëm, mnhina na pşih du unjon, nţa na faan te mnţo ! Uwo haŋ !