Bgah 23:3 - Mankanya

³ « Nalemp ŋnuur paaj, kë unuur uţënk paaj na uloŋ uşë wo unuur wi pnoorfën, unuur wi nayitiir nadëmanaan, naankdo nin ulemp uloŋ ţi unuur mënţ : du dko di nafëţaaŋ, unuur mënţ uwo wi pnoorfën wi nakdooŋ kadëman nji Yawe Nawat Kabuka.

Bgah 23:3 ပူးပေါင်းရင်းမြစ်များ

Ppën 16:23

kë aji na baka : « Uko wi Yawe Nawat Kabuka ajakuŋ wii wi : unuur wi faan uwo unuur wi pnoorfën, unuur wi pnoorfën uyimanaan pa Nawat Kabuka. Najuŋan uko wi naŋaluŋ pjuŋ, nafatan wi naŋaluŋ, undukiiŋ nahankan wa te faan. »

Ppën 16:29

Natenan, nji Nawat Kabuka dwulan unuur wi pnoorfën, ukaaŋ kë unuur upaajanţën kë aji wulan uko ude wi ŋnuur ŋtëb. Naţoon du itohan, nin aloŋ awutan kapën du dko di awooŋ ţi unuur wi pnoorfën. »

Ppën 16:30

Kë bañaaŋ biki Iŧrayel baţo baando nin uko uloŋ ţi unuur uţënk paaj na uloŋ.

Ppën 23:12

« Ido kalemp ŋnuur paaj, kë uţënk paaj na uloŋ inoorfën, uwit na ubuuru ŋinu, na balemparu na bayaanţ biki nu bahilna banoorfën.

Ppën 34:21

« Nado kalemp ŋnuur paaj, uţënk paaj na uloŋ nanoorfën, woli udo wo ţi wal wi ijaar, këme ikit.

Bgah 19:3

« Andoli ţi an awo kaŧiink anin na aşin, awo kadëman unuur wi pnoorfën. Nji dwooŋ Yawe Nawat Kabuka Naşibaţi i nan.

Luk 13:14

Kë naweek i katoh kañehanaani aşë deebaţ uko wi Yeŧu ajebanuŋ ţi unuur wi pnoorfën. Aţiini wal mënţ na pnŧuk pi bañaaŋ aji na baka : « Naka ŋnuur paaj ŋi ñaaŋ ajaaŋ awo kalemp. Nawo i kabi ţuŋ ŋnuur mënţ pdo bajebanan, mënţ ţi unuur wi pnoorfën wa. »

Luk 23:56

Wi wi bakakuŋ ubeeka pboman ukëra na ukëra ujuŋ ulil pţëkëñ wi bayuday bajaaŋ bakër ţi puum. Ţi unuur wi pnoorfën wi bayuday, kë banoorfëni, ţiki hënk di bgah bajakuŋ.

Ulemp 15:21

Bañaaŋ bajukan undiimaan Bgah bi Moyiŧ ţi ŋbeeka bŧi akak aleyiir ba ţi itoh iñehanaani yi bayuday, ŋnuur ŋi pnoorfën bŧi. »

Uko wi ayuujuŋ Yowan 1:10

Unuur uloŋ wi pdëman Ajugun, Uhaaş wi Naşibaţi uneej ţi nji, kë nŧiink ţi kafeţ naan pdiim ploŋ pweek panwooŋ ji plul.