Bgah 18:26 - Mankanya

²⁶ « Kë an biki Iŧrayel, nawo kado kado iko yi nţu'anaŋ pdo, kabot kaţaş bgah bi naan, naanwo nin kado iko iţop maakan yaŋ uwole an biki Iŧrayel këme nayaanţ anfëţuŋ ţi pŧoofan.

Bgah 18:26 ပူးပေါင်းရင်းမြစ်များ

Bgah 17:10

Yawe Nawat Kabuka akak aji na Moyiŧ : Ţiiniin na babuk Iŧrayel iji na baka : « Woli ñaaŋ i Iŧrayel këme nayaanţ anwooŋ ţi pŧoof pi nan ade pñaak, kanaţ kaji aduknaanaa, kaşë pënana ţi pntaali pi naan.

Bgah 17:8

Kak iji na baka : « Woli ñaaŋ i Iŧrayel këme nayaanţ anwooŋ ţi pŧoof pi nan afiŋ unŧaam atër wa bŧi këme ado bţeŋan bloŋ na wa,

Bgah 18:25

Uŧaak ţi uleef wi wa ukak aţop, kë nşë kob wa kë ugaŧ banfëţuŋ da.

Bgah 18:27

Bañaaŋ bambiiŋ afëţ ţi uŧaak wi ji nabi nado kafëţ ţi wa bado iko iţop maakan yaŋ ukaaŋ kë uŧaak uţopi.

Bgah 18:30

Namëbaan bnuura iko yi nţu'anaŋ pdo, naţafaraan kaţaş iko iţop maakan imbiiŋ adolana ji nabi nado kabi, nawutna kaţopan ŋleefan wi nakdoluŋ ya. Nji dwooŋ Yawe Nawat Kabuka Naşibaţi i nan. »

Bgah 18:5

Nawo kado kaţaş bgah na idolade yi nwulanaŋ : woli ñaaŋ aţaş ya aka ubida. Nji dwooŋ Yawe Nawat Kabuka.

Luk 11:28

Kë Yeŧu aşë ŧeema aji : « Iwo kaji, bankŧiinkuŋ Uţup wi Naşibaţi abot aţaş wa banuurandëni ! »

Luk 8:15

Kë banwooŋ mboş mnuura bajaaŋ baŧiink Uţup wi Naşibaţi na uhaaş unuura uŧool kamëban wa kabot kabuk ŋdeey ţi kamiir ki baka.

Yowan 14:15

Yeŧu akak aji : « Woli naŋalën, naluŋ kamëban iko yi njakanaŋ nado kado.

Yowan 15:14

Nawo banoh naan woli nado uko wi njakanaŋ nado.