Bgah 17:15 - Mankanya

¹⁵ « Woli ñaaŋ i Iŧrayel këme nayaanţ anwooŋ ţi pŧoof pi nan ade uyemaţ wi unŧaam unkeţuŋ këme wi uko uloŋ wi uţeeh ufiŋuŋ, awo kanaj imişa yi nul kabot kañowa, aji wo naţop te utaakal kabaa jinţ.

Bgah 17:15 ပူးပေါင်းရင်းမြစ်များ

Ppën 22:30

« Nawo pa nji bañaaŋ bayimanaan, ukaaŋ kë naankde uyemaţ wi unŧaam wi uko wi uţeeh ufiŋuŋ, nafëlan ŋbuş uyemaţ mënţ. »

Bgah 11:24

« Woli naban ŋnŧaam ŋi, naţop : ñaaŋ ankbanuŋ ŋa woli ŋakeţi aji wo naţop te utaakal.

Bgah 11:25

Ñaaŋ ankjejuŋ ŋa wi ŋakeţuŋ awo kanaj imişa yi nul, aji wo naţop te utaakal.

Bgah 11:27

Kë hënk kak di di ŋko bŧi ŋanwooŋ na ihoţ ibaakër abot apoşna iñiiri yi ihoţ ŋawooŋ ŋţop ţi këş ki nan wal wi ŋakeţuŋ : ñaaŋ ambanuŋ ŋa wal wi ŋakeţuŋ aji wo naţop te utaakal.

Bgah 11:28

Ñaaŋ ajejle ŋa wi ŋakeţuŋ, awo kanaj imişa yi nul, aji wo naţop te utaakal, ŋawo ŋţop ţi këş ki nan.

Bgah 11:31

Ţi ŋko ŋmpoţi bŧi, ŋaŋ, ŋawooŋ ŋţop ţi këş ki nan. Woli ñaaŋ aban ŋa wi ŋakeţuŋ aji wo naţop te utaakal.

Bgah 11:32

Woli uloŋ ţi ŋko mënţ ujot wal wi ukeţuŋ ţi iko iloŋ yi najaaŋ nawoonaan iji iwo iţop. Iko mënţ ihina kawo pţukar, kamişa, kanjan, uko bŧi wi najaaŋ naţuuna iko yi nan. Naţu kako mënţ ţi meel, kaji kawo kaţop te utaakal kabaa kak kajinţ.

Bgah 11:39

« Woli unŧaam uloŋ ţi ŋi nahinanuŋ kade umara mara keţ, kë naban wa, nawo baţop te utaakal.

Bgah 11:40

Ñaaŋ adele uyemaţ wi wa awo kanaj imişa yi nul, aji wo naţop te utaakal. Ñaaŋ akakle jej ŋa wal wi ŋakeţuŋ awo kanaj imişa yi nul, aji wo naţop te utaakal.

Bgah 15:10

Woli ñaaŋ aloŋ aban uko uloŋ wi ñiinţ mënţ aţoornuŋ aji wo naţop te utaakal. Woli ñaaŋ ajij uko mënţ, awo kanaj imişa kabot kañowa, aji wo naţop te utaakal.

Bgah 15:21

Woli ñaaŋ aban kalişa mënţ këme kako kaloŋ ki aţoornuŋ, awo kanaj imişa yi nul kabot kañowa, aji wo naţop te utaakal.

Bgah 15:5

Woli ñaaŋ aban kalişa mënţ këme aţo ţi pţij pi aţooŋ awo kanaj imişa yi nul kabot kañowa, aji wo naţop te utaakal.

Uko wi ayuujuŋ Yowan 7:14

Kë nŧeem aji : « Naweek, iwi imeeŋ. » Kë aşë ji na nji : « Bawo bañaaŋ banwoonuŋ du mnhaj mnweek ; banaj imişa yi baka ţi pñaak pi anwooŋ unkaneel akakan ya ifaaŧal.