Bgah 16:2 - Mankanya

² aji na a : « Ţiiniin na Aaron naweeku iji na a awut kado kaţëp blaañ bweek banŧaaŋuŋ na dko dyimanaan maakan jibi aŋaluŋ. Dul di umaala wi uwuuru unhanknuŋ klaak kanfejaniiŋ apiiŧna bhoŋar uwooŋ. Woli aţëp blaañ akeţ ţiki dul di njaaŋ kabi ţi kanfëluŋ ţi umaala duuţ.

Bgah 16:2 ပူးပေါင်းရင်းမြစ်များ

Bgah 16:13

Wi abanuŋ, aţu mnkulan ţi ihil inkyikuŋ ţi kadun ki nji Nawat Kabuka, udu ugurna hënk umaala wi uwuuru unhanknuŋ klaak kanfejuŋ apiiŧ bhoŋar, hënk, Aaron aankkeţ.

Bgah 16:34

Uko mënţ, nawo kado kado wa ŋwal bŧi, uyaaş uloolan ţi uşubal nado ţi babuk Iŧrayel bţeŋan nji Nawat Kabuka nşë miir babuk Iŧrayel ipekadu bŧi. Kë bañaaŋ bado jibi Nawat Kabuka ajakuŋ na Moyiŧ aji bawo kado.

Bgah 23:27

« Ţi ŋnuur iñeen ŋi pli ppaajanţën mënţ, uwo unuur uweek wi ppënan ipekadu. Naduur kayitiir kadëman nji Nawat Kabuka, kayiman kaşë katëradaan iko yi bţeŋan bŧi.

Bgah 8:35

Kë hënk di nakţooŋ ŋnuur na ŋŧejan paaj na uloŋ du ukëbi wi kaloona kabaa kahil pdo kado iteŋan yi Nawat Kabuka aţuuŋ pdo kabuurna pkeţ. Uko waŋ wi wi ajakuŋ ndo. »

Maci 27:51

Wal mënţ, blaañ bkëm maakan banjaaŋ baneenan bañaaŋ pneej du dko dyimanaan maakan di Katoh Kaweek ki Naşibaţi batowa ţi pŧoof. Kë mboş mankuţ aşinţar, mnlaak mnweek mantowaa,

Bahebërë 6:19

Mnhaţ mënţ manwo uko unţijanuŋ ubida wi nja, manji mando nja ŋneej kaţëp blaañ bweek banŧaaŋuŋ na dko dyimanaan maakan, di Naşibaţi awooŋ.

Bahebërë 9:25

Aanneej neej pdo kawul uleef uşubal undoli jibi naşih i baţeŋan ajaaŋ aneej du dko dyimanaan kaşë wul pñaak panwooŋ paanwo pi nul.

Bahebërë 9:3

Kë du kafeţ ki blaañ uka da umbaŋ utëbanţën wi bajaaŋ badu dko dyimanaan maakan.

Bahebërë 9:5

Kë ţi umaala mënţ duuţ başë ţu iko infejuŋ innaamuŋ na ŋwanjuŧ ŋi bajaaŋ bado kerubim ŋanjaaŋ ŋadiiman kë Naşibaţi awo da. Ibaaklu yi ŋa iji ido blifi ţi dko di bajaaŋ batulna pñaak ppënanaan ipekadu. Mënţ wal wi pţiiniyaan iko mënţ bŧi kajinţan bnuura wii wi.

Uko wi ayuujuŋ Yowan 15:8

Kë mndëm mi Naşibaţi na mnhina mi nul manşë do kë dko dyimanaan daŧum na udu. Kë nin aloŋ aanhil pneej ţi da bë iţaafa paaj na kaloŋ yi ŋwanjuŧ paaj na uloŋ iindolanaa.