Bgah 16:17 - Mankanya

¹⁷ Nin ñaaŋ aloŋ aanwo kawo du kaloona ki bayiti du wal wi akneejuŋ pdo bţeŋan bi ppënan ipekadu te du wal wi akpënuŋ. Wal wi akbaaŋ pdo bţeŋan bi ppënan ipekadu yi nul na yi biki katohul na yi babuk Iŧrayel bŧi,

Bgah 16:17 ပူးပေါင်းရင်းမြစ်များ

Ppën 34:3

Nin ñaaŋ aankpaya na iwi, nin aloŋ aankbi ţi pa, nin unŧaam umpoţi këme uweek uunkbi kafeer kañog ţi pa. »

Bgah 16:16

Hënk, ado du dko dyimanaan maakan duŋ jibi bajaaŋ bado pa pjinţan da ţi pţop pi biki Iŧrayel baţopanuŋ da na pjuban pi baka na ipekadu yi baka bŧi, wi wi aşaaŋ ado haŋ kak pa kaloona ki bayiti ţiki katan ţi pŧoof pi bañaaŋ banwooŋ baţop.

Bgah 16:18

apën ţi kaloona kaşë kaya du bliit bi mngur banwooŋ ţi kadun ki Nawat Kabuka kaşë kado ţi ba iko yi bajaaŋ bado pa pjinţan ba. Ajej pñaak pi uwit ukaş na pi upi ukaş kakër ţi itiim infooyuŋ bliit bi mngur.

Luk 1:10

Pnŧuk pi bañaaŋ baŧum kë paşë wo ţi pñehan Naşibaţi du bdig, wal wi aktëruŋ mnkulan.

Ulemp 4:12

Ul ţañ ahilanuŋ pbuuran bañaaŋ. Ënhën, ţi umundu bŧi Naşibaţi aanwul wul nin ñaaŋ aloŋ kak anhilanuŋ pbuuranun. »

1 Timote 2:5

Naşibaţi awo aloolan, kë ñiinţ aloolan awooŋ ţi pŧoof pi nul na bañaaŋ : Yeŧu Kriŧtu,

Bahebërë 1:3

Abukul awooŋ bjeehi banjaaŋ badiiman mndëm mi nul, ul ajaaŋ adiiman uko wi awooŋ na manjoonan. Ul amëbanuŋ iko bŧi yi apaşuŋ na uţup wi nul unwooŋ na mnhina. Ajinţan bañaaŋ ţi ipekadu yi baka aşë ya aţo du kañen kadeenu ki Naşibaţi du baţi.

Bahebërë 9:7

Kë naşih i baţeŋan ţañ ajaaŋ aneej ţi utëbanţën ; aji neej da uyaaş uloolan ţañ ţi uşubal. Aji ţij da pñaak pi ŋko ŋi bafiŋaruŋ Naşibaţi aţen pa ppënanaan ipekadu yi nul na yi bañaaŋ bŧi.

1 Piyeer 2:24

Ul ţi uleeful akuŋiiŋ pekadu di nja ţi kruŧ ŋhilna ŋbuur ţi ipekadu ŋşë ŋwo baŧool ; ijën yi nul ikaaŋ kë najebi.

1 Piyeer 3:18

Ipekadu yi bañaaŋ ikaaŋ kë Kriŧtu ţi uleeful ahaj byaaş bloolan ; anwooŋ naŧool akeţar banwooŋ baanwo baŧool, kahilna kañooţan du Naşibaţi. Bafiŋa ţi uleef kë Uhaaş wi Naşibaţi uşë naţana ţi pkeţ.