1 Yawe Nawat Kabuka aji na bi Moyiŧ na Aaron :
« Woli ñaaţ aanka uko unugni unkaneel, aţij ŋbalab ŋtëb këme ŋrikaţe ŋtëb. Uloŋ uwo katërad bŧi Nawat Kabuka, utëbanţën uwo pa bţeŋan bi ppënan ipekadu. Naţeŋan ado ţi a wal mënţ uko wi bajaaŋ bado pa ppënan ipekadu. Ajinţ wal mënţ ţi këş ki Nawat Kabuka. »
« Woli bawin ţi uleef wi ñaaŋ aloŋ uko ji uwur këme uleef kë ufootşa ţi Ŋmbaŋ ŋloŋ, këme undampu ufaaŧţaan, woli uko mënţ uya adoo kak pmaak pi bdoo, bawo kaya na ñaaŋ mënţ du Aaron naţeŋan këme du aloŋ ţi babukul baţeŋan.
Yawe Nawat Kabuka aţiini na Moyiŧ na Aaron aji :
Unuur uloŋ, namaak bdoo aloŋ abi ţi Yeŧu akooţa, aŋup aji na a : « Woli iŋali, ihinan kakakanaan njinţ. »
Wi Yeŧu awinuŋ baka aşë ji : « Nayaan nawinana du baţeŋan biki Naşibaţi. » Wi bakyaaŋ na bgah, aşë mara mara ajeb.
Unuur uloŋ wi Yeŧu awooŋ ţi ubeeka uloŋ, kë ñiinţ aloŋ ammaakuŋ bdoo aşë wo da. Wi awinuŋ Yeŧu, aşë jot ţi ihoţul afëţ kaara ţi mboş añehana aji : « Ajugun, woli iŋali, ihinan kakakanaan njinţ. »
