Bgah 1:3 - Mankanya

³ Woli unŧaam uweek wi wi aktëraduluŋ bŧi, añooţ uwit ukaş unwooŋ uunţakëm nin dko dloŋ, unwooŋ uunwo na ujad uloŋ du uneeji wi kaloona ki bayiti pa pyeenk bnuura bi Nawat Kabuka.

Bgah 1:3 ပူးပေါင်းရင်းမြစ်များ

Ujuni 22:13

Abraham akat këş aşë win unkaneel ukaş uloŋ wi itiim ihoŧuŋ ţi bgof. Aya ajej wa afiŋar Naşibaţi atër ado bţeŋan, kë ukeţar abukul.

Ujuni 22:2

Kë aji na a : « Jejan abuku, aloolan ţañ i ikaaŋ, Iŧaak i iŋaluŋ maakan, iya du uŧaak wi Moriya du pnkuŋ pi nji kaluŋ kayuuju. Woli iban da, kjeja kafiiŋaraan kabot katëra kadolën bţeŋan. »

Ujuni 22:8

Kë aŧeem aji : « Abuk naan, Naşibaţi akyaaŋ kawul unkaneel » kë başë ŧool bukal batëb bŧi.

Ujuni 8:20

Wi wi Nowe aşaaŋ ado bliit bi mngur pa Nawat Kabuka, ajej ŋloŋ ţi ŋko na ţi ŋkaŧ bŧi ŋanhiluŋ pdolna Naşibaţi bţeŋan afiŋara, atër ŋa kë ŋayik bŧi.

Kañaam 40:8

Kë nşë ji wal mënţ : « Natenan, nji wi, dbi du iwi, dwin ţi ulibra uko wi nwooŋ kaţaş.

Ppën 12:5

Unŧaam uwoon ukaş unkaaŋ uşubal, unwooŋ uunţakëm nin ţi dko dloŋ ţi uleef. Nadatan wa ţi ŋkanel këme ŋpi.

Ppën 24:5

Wi wi aşaaŋ ado baţaşa baloŋ biki Iŧrayel baya bafiŋar Nawat Kabuka ŋnŧaam babot batër ŋa, bakak bafiŋara ŋgit ŋkaş ŋawo ŋi bŧiinkar.

Ppën 32:6

Unuur utëbanţën, banaţa na nfa kub, afiŋar wa ŋnŧaam abot tër ŋa, bado kak iţeŋan iloŋ yi bŧiinkar. Baţo ade, adaan aşë naţa unoh.

Bgah 1:10

« Woli ñaaŋ aŋal ptërad Nawat Kabuka unŧaam umpoţi bŧi awo kajej unkaneel ukaş këme upi ukaş ŋanwooŋ ŋaanţakëm nin dko dloŋ, abot awo ŋaanwo na ujad.

Bgah 14:10

« Ţi unuur uţënk bakreŋ, ajej ŋkaneel, ŋaanwo kaţakëm nin dko dloŋ këme kawo na ujad uloŋ – ŋkaş ŋtëb na uwaţ uloolan undoluŋ uşubal, na ŋkil kañeen kaloŋ ŋi pşon pi banaakrënuŋ na ukëra, na pŧoof pi ulitru wi ukëra.

Bgah 16:7

ajej ŋpi ŋtëb kaţij ţi kadun ki Nawat Kabuka du ukëbi wi kaloona ki bayiti.

Bgah 17:4

awo kañooţ wa duna du ukëbi wi kaloona ki bayiti. Woli aando haŋ aluŋ kahepna ţi pñaak pi atuluŋ, apën ţi pntaali pi naan.

Bgah 17:8

Kak iji na baka : « Woli ñaaŋ i Iŧrayel këme nayaanţ anwooŋ ţi pŧoof pi nan afiŋ unŧaam atër wa bŧi këme ado bţeŋan bloŋ na wa,

Bgah 17:9

awo kaţij wa du ukëbi wi kaloona ki bayiti kaţen wa nji Nawat Kabuka ; woli aando haŋ kaluŋ kapënana ţi pntaali pi nul. »

Bgah 23:12

Ţi unuur mënţ natërad Nawat Kabuka unkaneel bŧi wi uşubal unwooŋ uunţakëm nin dko dloŋ.

Bgah 23:18

Nakak aţij ŋkaneel paaj na uloŋ ŋi uşubal ŋanwooŋ ŋaanţakëm nin dko dloŋ, uwit ukaş na ŋkaneel ŋkaş ŋtëb ŋloŋ katërad bŧi Nawat Kabuka, ŋul na bţeŋan bi ŋdeey, na poot pi baheparuŋ.

Bgah 3:1

« Woli aloŋ ţi an ado bţeŋan bi bŧiinkar ţi Nawat Kabuka na bañaaŋ na unŧaam uweek, awo i kaţij ţi kadun ki nji Yawe Nawat Kabuka uwit ukaş këme waaţ unwoyi uunţakëm ţi nin dko dloŋ.

Bgah 4:15

Bantohi biki Iŧrayel bapaf iñen ţi bkow bi unŧaam, aloŋ ţi baka aşë faal wa ţi kadun ki Nawat Kabuka.

Bgah 4:23

Woli badiimana kë ajubani, afiŋar Nawat Kabuka upi udow unwooŋ uunţakëm nin dko dloŋ.

Bgah 4:3

woli naţeŋan naweek ajubanuŋ pjuban pi nul paji pakak ţi bañaaŋ bŧi, aşë wo i kafiŋar Nawat Kabuka uwit ukaş unwooŋ uunţafi akuţ awo uunţakëm ţi nin dko dloŋ, kahilna kapënan pekadu duŋ.

Bgah 4:32

« Kë woli unkaneel wi wi aŋaluŋ kafiŋar Nawat Kabuka, awo kaţij uwaaţ unwooŋ uunţakëm nin dko dloŋ.

Bgah 8:18

Wi abaaŋ aşë do kë baţij unkaneel ukaş wi bawooŋ i ptërad bŧi Nawat Kabuka, kë Aaron na babukul bapaf kañen ţi bkow bi wa.

Bgah 8:21

Ajej ipëş na ikuţaţ anaj ya atër ya bŧi aba bŧi ţi bliit bi mngur. Atër wa bŧi aba kë uwo bţeŋan bi badoluŋ pa Nawat Kabuka jibi abiiŋ aji na a ado, uwo uko untëruŋ wi pţëkëñ pajaaŋ palila.

Bgah 9:2

aşë ji na Aaron : « Jejan ubay ukaş pa pdo bţeŋan bi ppënan ipekadu yi nu na unkaneel ukaş ŋi baktëruŋ bŧi, ŋul bŧi ŋaanwo kaţakëm nin dko dloŋ këme kawo na ujad uloŋ, iţij ŋa ţi kadun ki Yawe Nawat Kabuka.

Luk 1:35

Uwanjuŧ uŧeema aji : « Uhaaş wi Naşibaţi uluŋ kahela ţi iwi, Naşibaţi Andëmuŋ Maakan aşë guru na mnhina mnweek mi nul ji blifi. Ukaaŋ kë napoţ nayimanaan ankluŋ kabuka akdu'ana Abuk Naşibaţi !

Yowan 1:36

Awin kë Yeŧu akţëp kë aşë ji : « Anwooŋ unkaneel wi bţeŋan wi Naşibaţi i i. »

Yowan 10:7

Wi wi akaaŋ aţiini na baka aji : « Na manjoonan, dţupan nji dwooŋ plëman pi ŋkaneel ŋakţëpnuŋ.

Yowan 10:9

Nji dwo plëman. Woli ñaaŋ aţëpna ţi nji aluŋ kabuur, aluŋ kado kaneej kakak kapën kaşë kaka uko ude.

2 Korinŧ 8:12

Woli ñaaŋ aţen na uhaaş ujinţ, Naşibaţi aji yeenk uko wi ñaaŋ mënţ aţenuŋ, kaşë katen ţi uko wi akaaŋ, kawo aanji ten ţi wi awaaŋuŋ.

2 Korinŧ 9:7

Ñaaŋ andoli ajaan aţen jibi uhaaşul uwululuŋ kawut kajooţan këme kaşal kë baţu'a ţu pdo wa ; Naşibaţi aji ŋal ñaaŋ anjaaŋ aţen na uhaaş ujinţ.

Efeŧ 2:18

Ul aţëpnuŋ ţi Uhaaş wi Naşibaţi unwooŋ uloolan aţu kë un bayuday na banwooŋ baanwo bayuday ŋhil aban du Naşibaţi Aşin nja.

Efeŧ 5:27

banfiyaaruluŋ bahilna bapën bawinana ţi kadunul bawo na mndëm ji ñaaţ ankniimiiŋ anwooŋ nanuura, najinţ piş kë kaara di nul daanlaatari këme awo na iko iloŋ iŧënţ yuŋ. Ado haŋ banfiyaaruŋ bahilna bawo bajinţ, baŧool babot bado kado uko unnuuriiŋ ţañ.

Bahebërë 7:26

Yeŧu awooŋ keeri naşih i baţeŋan i ŋnumiiŋ. Ayimani, aanjuban nin, ajinţ ţi këş ki Naşibaţi, apën ţi bado buţaan adeeŋana du baţi duuţ.

Bahebërë 9:14

hum di di pñaak pi Kriŧtu pawooŋ paankjinţan ŋhaaş ŋi nja kapënan iko iwaaŋ udooni injaaŋ iţij pkeţ ŋhilna ŋdo kalempar Naşibaţi anwooŋ najeb ? Ul Kriŧtu awo i mnţo ukaaŋ kë bţeŋan bi adoluŋ wi awuluŋ uleeful Naşibaţi kë balila.