Wal mënţ, kë Moyiŧ aşë paya du pnkuŋ pya kayit na Naşibaţi. Yawe Nawat Kabuka aduuna du pnkuŋ duuţ aji na a : « Hënk di di ikyaaŋ kaţiini na babuk Iŧrayel, jakan na baka :
Yawe Nawat Kabuka aji na Moyiŧ : « Payiin ibi ţi nji du pnkuŋ iţo da, nwulu klaak ki mpiiŧuŋ Bgah na iko yi nţu'anaŋ pdo, ijukan ya bañaaŋ biki Iŧrayel. »
Woli bafëţ du dko dloŋ, Moyiŧ aji jej kaloona kaya tan ka kalowan dko di bafëţuŋ ; aţu ka katim aji kaloona ki bayiti. Kë bañaaŋ bŧi bankaaŋ uko wi phepar Yawe Nawat Kabuka baji baya dko di kaloona ki bayiti kanlowi dko di bafëţuŋ.
