Bahebërë 8:10 - Mankanya

¹⁰ Nji Ajugan dkak aţiini aji : woli ŋnuur mënţ ŋaţëpi bhoŋar bi nji kaluŋ kado na pntaali pi Iŧrayel bii bi : dluŋ kapiiŧ bgah bi naan ţi uşal wi baka dluŋ kapiiŧ ba ţi ŋhaaş ŋi baka, dluŋ kawo Naşibaţi i baka, kë bakluŋ kawo pntaali pi naan.

Bahebërë 8:10 ပူးပေါင်းရင်းမြစ်များ

Ppën 24:4

Kë Moyiŧ apiiŧ uko wi Nawat Kabuka ajakuŋ bŧi, aşë naţa na nfa kub aniw bliit bi mngur ţi pnkuŋ uţeeh abot anaţan klaak iñeen na ktëb ji mpej pa kntaali iñeen na ktëb ki Iŧrayel.

Ppën 24:7

Wi abaaŋ aşë jej ulibra wi bhoŋar wi abaaŋ apiiŧ piiŧ aleyiir uko bŧi wi Nawat Kabuka ajakuŋ ţi kadun ki bañaaŋ, kë bukuŋ başë ŧeem aji : « Uko wi Nawat Kabuka ajakuŋ bŧi ŋdo wa, kabot kaţaş wa. »

Ppën 34:1

Yawe Nawat Kabuka aji na Moyiŧ : « Fejan klaak ktëb ji kŧeek, dpiiŧ ţi ka ŋţup ŋi mpiiŧuŋ ţi kŧeek ki ifomuŋ.

Ppën 34:27

Kë hënk di Nawat Kabuka akaaŋ aji na Moyiŧ : « Piiŧan ŋţup ŋi ţi ulibra, ţiki ŋul ŋi ŋi nji kadolnuŋ bhoŋar na iwi, na babuk Iŧrayel. »

Maci 22:32

“Dwo Naşibaţi i Abraham, i Iŧaak, na i Yakob.” » Yeŧu akak aji na baka : « Naşibaţi awo i bañaaŋ bajeb, aanwo i bankeţuŋ. »

Baromeŋ 11:27

Uko mënţ wi wi nhoŋuŋ aji ddo, wal wi nkapënanuŋ pekadu di baka, ţi bhoŋar bi nji kaluŋ kado na baka. »

1 Korinŧ 6:16

Naamme kë ñaaŋ anyaaŋ anaakiir na ñaaţ naţuunk aji kak kawo ñaaŋ aloolan na a i ? Na manjoonan upiiŧana aji ţi Ulibra wi Naşibaţi : « Bukal batëb bakak ñaaŋ aloolan. »

2 Korinŧ 3:3

Bañaaŋ bame bnuura kë nawo kakaarta ki Kriŧtu apiiŧuŋ ahankanun. Kakaarta mënţ kaampiiŧana na kañen ki ñaaŋ najën kapiiŧana na Uhaaş wi Naşibaţi anwooŋ ukumpëş wi ubida, uko unwooŋ ţi ka uumpiiŧana ţi mnlaak, upiiŧana ţi ŋhaaş ŋi nan ŋanwooŋ ŋi bañaaŋ bajën.

Tit 2:14

Awuluŋ uleeful kahilna kapënan nja ţi buţaan bŧi bi ŋjaaŋ ŋdo, kajinţan nja kado nja ŋwo bañaaŋ biki nul, banjaaŋ baŋal pdo iko inuura.

Bahebërë 11:16

Kë başë bi ŋal uŧaak unnuurnaaniiŋ, uwooŋ uŧaak wi baţi. Uko mënţ ukaaŋ kë Naşibaţi aankowa pdo kadu'ana Naşibaţi i baka, aboman baka ubeeka.

Yakob 1:18

Aŋal ul ţi uleeful pwul un ubida ţi uţup wi manjoonan, ŋhilna ŋwo baŧeek ţi iko yi aţakuŋ.

Yakob 1:21

Ukaaŋ kë nawo i kapënan iko bŧi inţopuŋ ţi an na inŋotuŋ maakan, naşë nayeenk uţup wi baţuuŋ ţi ŋhaaş ŋi nan ji bañaaŋ banwalanuŋ ikow yi baka, ţiki wul uhilanuŋ pbuuran an.

1 Piyeer 1:23

Na manjoonan, nakak abuka aşë wo naanbuknaana ţi pbuk panjaaŋ pakeţ, nabuknaana ţi pbuk panwooŋ paankkeţ, ţi uţup wi Naşibaţi unjaaŋ uwul ubida akuţ awo wi mnţo.

1 Piyeer 2:9

Kë an, naşë wo pntaali pandataniiŋ, pntaali pi baţeŋan bankşihuŋ, pntaali pyimanaan, pntaali panwooŋ pi Naşibaţi, nahilna nado kaţup iko iweek iñoŋarënaan yi ampënananaŋ du bdëm aţij moŋ bjeehi bñoŋarënaan bi nul adoluŋ.