Bahebërë 6:18 - Mankanya

¹⁸ Naşibaţi aanhil kaţup uko unwooŋ uunjoonani, ukaaŋ kë uko wi ahoŋuŋ amehna uunhil kaţëlëş. Hënk, nja ŋnţiiŋ aya du Naşibaţi ŋwo na mntëŋ mnweek kahilna kayeenk uko wi ŋhaţuŋ unkmbiiŋ.

Bahebërë 6:18 ပူးပေါင်းရင်းမြစ်များ

Ujuni 19:22

Ŧaraan iţi iya imena du wa, ţiki mënhil kado nin uko uloŋ bë iindobi ban da. » Uko waŋ ukaaŋ kë baţu ubeeka mënţ katim ki Şowar.

Kañaam 46:1

Kayeeh ki pñaamarën Naşibaţi ki kapënna ţi ulibra wi najukan iyeeh. Kayeeh ki babuk Kore. Kayeeh ki pdiim pi baaţ.

Kañaam 62:8

Mndëm na mbuur mi naan manwoona du Naşibaţi ; dmennaana du a, ul awooŋ pnkuŋ panjaaŋ pabeelën.

Maci 24:35

Baţi na mboş ŋaba, kë ŋţup ŋi naan ŋaşë wo ŋaankba. »

Maci 3:7

Wi Yowan awinuŋ kë bafariŧay na baŧaduk baŧum kë bakbi pyeenk batiŧmu ţi a, kë aşë ji na baka : « An, nawo pntuni pi ŋnfunan ! In ahoopaţanaŋ aji naţi udeeb wi Naşibaţi unkmbiiŋ ba ?

Luk 2:25

Kë ñiinţ aloŋ aşe wo wal mënţ du Yeruŧalem, anwooŋ katim ki Ŧimeyoŋ. Awo ñaaŋ anwooŋ naŧool ţi këş ki Naşibaţi abot adëmana bnuura. « Awo wo ţi pyoonk wal wi Naşibaţi akwentuŋ mnkuul mi Iŧrayel. » Kë Uhaaş wi Naşibaţi uşë wo ţi a.

Baromeŋ 15:5

Dñehan Naşibaţi anwooŋ ukumpëş wi kamiir na mntëŋ aţenan naŧiinkar nado kado ji Yeŧu Kriŧtu.

Baromeŋ 3:25

Ayil Yeŧu kë atul pñaakul ayeenkar nja kakob pa ipekadu yi nja. Hënk, Naşibaţi adiiman bañaaŋ bŧi kë awo naŧool wi amiiruŋ, awo aankob bambiiŋ ajuban ţfa. Akak adiiman bañaaŋ bŧi pwayëş pŧool pi nul hënkuŋ wi awooŋ naŧool abot ado kë banfiyaaruŋ Yeŧu bŧi bawo baŧool.

Baromeŋ 3:4

Nin, bañaaŋ bŧi bawo i kame kë Naşibaţi aji do uko unjoonanuŋ, kë ñaaŋ najën andoli awo na ŋţilan. Hënk di di Dayiţ aţiiniiŋ na Naşibaţi aji : « Imeeţana pwo naŧool ţi iko yi ikţupuŋ kafaŋna woli blaţar bawoo. »

Baromeŋ 5:5

Mnhaţ maanji manguur ñaaŋ nin. Naşibaţi aţëpna ţi Uhaaş wi nul wi awuluŋ nja, aŧuman uŋalul ţi ŋhaaş ŋi nja.

Filipiya 2:1

Woli pwo baloolan ţi Kriŧtu paji patëŋţënan, woli uŋal wi akaaŋ pa an uji uţañanan mnţëg, woli Uhaaş wi Naşibaţi uţu'an kë nakak baloolan, woli naŋaladi abot añagiir,

Koloŧ 1:23

Kë naşë awo i kamëban bnuura kaliinŧ ţi pfiyaar kawut kapën ţi phaţ pi Uţup Ulil Unuura wi naŧiinkuŋ. Uţup mënţ baţup wa bañaaŋ bŧi ţi mboş, wul wi nji Pawulu kalemparuŋ wi nji kaţupuŋ wa.

Koloŧ 1:27

Aŋal bañaaŋ biki ŋŧaak bŧi bame iko inuura na mndëm manwooŋ ţi uko umbiiŋ amena. Uko mënţ wii wi : Kriŧtu awo ţi an, ul adooŋ kë nahaţ kë nayeenk ţi mndëm mi Naşibaţi.

Koloŧ 1:5

Pfiyaar na uŋal mënţ ŋawoona ţi phaţ pyeenk iko yi Naşibaţi ahankanaŋ du baţi. Nakaana phaţ mënţ ţi uţup wi manjoonan, unwooŋ Uţup Ulil Unuura wi naŧiinkuŋ.

1 Teŧalonika 1:10

kayoonkna ubi wi Abukul Yeŧu ankluŋ kawoona baţi, i anaţanuŋ ţi pkeţ, ankbuuranuŋ nja ţi udeeb unkmbiiŋ.

1 Timote 1:1

Nji Pawulu, nanjañan i Yeŧu Kriŧtu dpiiŧu. Naşibaţi nabuuran i nja na Yeŧu Kriŧtu anwooŋ mnhaţ mi nja baţuuŋ kë nwo nanjañan.

1 Timote 6:12

Gutaan ugut unuura unwooŋ pmëban pfiyaar pi ŋfiyaaruŋ Kriŧtu aliinŧ, işë iyeenk ubida wi mnţo unkaaŋ kë idu'anaa wi iţupuŋ aji ifiyaar Kriŧtu kë bañaaŋ baŧum bammaari.

2 Timote 2:13

Woli ŋdeka kafeţ, aji woha na nja kamëban nja, aanhil kalaţ uleeful.

Tit 1:2

Mnhaţ mi ubida wi mnţo manwoona ţi iko mënţ. Ubida mënţ, Naşibaţi anwooŋ aanji ţilan ahoŋuŋ wa undiimaan wi apaşuŋ umundu.

Bahebërë 11:7

Pfiyaar pakaaŋ kë Nowe aŧiink uko wi Naşibaţi aţupuluŋ unwooŋ uundo bi winana. Amëban bnuura uko wi Naşibaţi ajakuŋ, aboman upuur abuuranaan biki katohul bŧi. Pfiyaar mënţ pakaaŋ kë adiiman kë umundu uduknaanaa, aţëpna ţi pa, awo naŧool ţi këş ki Naşibaţi.

Bahebërë 3:11

Uko waŋ ukaaŋ kë mmehna, wi ndeebaţuŋ, aji : “Baankneej nin du dko di nji mbomanuŋ baka aji banoorfënaan.” »

Bahebërë 3:6

Kë Kriŧtu aşë wo abuk katoh i Naşibaţi aţuuŋ ţi kadun ki ka. Nja ŋşaaŋ awo katoh mënţ woli ŋmëban akuţ ahaţ ţi a, alilan ţi uko wi ŋhaţuŋ.

Bahebërë 6:17

Hënk di Naşibaţi, wi aŋaluŋ pdiiman banwooŋ i kayeenk iko yi ahoŋuŋ kë uko wi ajakuŋ aji ado wa, amehnaa.

Bahebërë 7:19

Na manjoonan, Bgah bi Moyiŧ baando nin ñaaŋ kë ajinţ ţi këş ki Naşibaţi. Kë Naşibaţi aşë wul nja mnhaţ mannuurnaaniiŋ, ţi muŋ mënţ mi mi ŋkţëpnuŋ kañoga.

Bahebërë 7:21

Aa, Naşibaţi amehnaa wi adoluŋ kë Yeŧu awo naţeŋan aji : « Nji Ajugan, dmehnaa, mënkkak ţi uţup wi naan : “Iwi, iwo naţeŋan te mnţo.” »

1 Yowan 1:10

Woli ŋji ŋëndo pekadu, ŋţu Naşibaţi ŋţilan, kë uţup wi nul ubot awo uunwo ţi nja.

1 Yowan 5:10

Ñaaŋ anfiyaaruŋ Abuk Naşibaţi amëban uţup mënţ ţi uhaaşul. Ñaaŋ anwooŋ aanfiyaar Naşibaţi aţu'a naţilan ţiki aanfiyaar uko wi Naşibaţi aţupuŋ ţi uko wi Abukul.