Bahebërë 4:15 - Mankanya

¹⁵ Naşih i baţeŋan naweek i ŋkaaŋ aji miir nja ţi pbiişna pi nja ţiki bawuuka ajuban ţi iko bŧi jibi bawuukuŋ nja ŋjuban kë aambaaŋ kajubanaara.

Bahebërë 4:15 ပူးပေါင်းရင်းမြစ်များ

Ppën 23:9

« Iinkhajan nayaanţ ; an ţi ŋleefan name uko unwooŋ pwo nayaanţ, ţiki nabi wo bayaanţ du Ejiptu. »

Maci 12:20

Jibi awooŋ aankluŋ kakit bmaaj bandooŋ abi naay naay këme kajëmşën pmul pankduhuŋ, hënk kak di di akluŋ kañaga bañaaŋ bannooruŋ te wal wi akluŋ kakakan iko bŧi iwo iŧool ţi këş ki Naşibaţi :

Maci 4:1

Wi Yeŧu apënaŋ pën du meel kë Uhaaş wi Naşibaţi uşë ñooţa du pndiiş, kë Unŧaayi Uweek ukdo na pguura ado buţaan.

Luk 22:28

« An nawo na nji wal wi nwooŋ ţi mnhaj bŧi,

Luk 4:2

Ţi ŋnuur iñeen ŋbaakër ŋi adoluŋ da, Unŧaayi Uweek udo na pguura ado buţaan. Ŋnuur mënţ bŧi aandee, ukaaŋ kë ubon ukde'a wi ŋaţëpuŋ.

Yowan 8:46

Ahoŋ ţi an ahilanuŋ hilan kadiiman kë djubani ? Kë woli dţup manjoonan, we ukaaŋ kë naanfiyarën ba ?

Baromeŋ 8:3

Bgah bi Moyiŧ baanhil pdo haŋ, ţiki iko yi uleef wi nja uŋaluŋ ido kë bgah baanka mnhina maŋ. Kë Naşibaţi aşë buuran nja wi ayiluŋ Abukul abi ji ñaaŋ najën abot awo bţeŋan pa pyeenkar nja kakob pa ipekadu yi nja.

2 Korinŧ 5:21

Kriŧtu aambaaŋ kadola pekadu, kë Naşibaţi adola kë akoba pa pekadu di nja, ŋhilna ŋkak baŧool ţi këş ki Naşibaţi wi ŋwooŋ ţi ploolan na Kriŧtu.

Bahebërë 4:14

Name kë ŋka naşih i baţeŋan naweek anyaaŋ te du baţi : ul awooŋ Yeŧu, Abuk Naşibaţi. Ukaaŋ kë ŋwo kamëban kaliinŧ ţi uko wi ŋjakuŋ aji ŋfiyaari.

Bahebërë 5:2

Ul ţi uleeful aŧum dko di abiinkniiŋ, ukaaŋ kë aji hinan pmiir banwooŋ baammee aşë neem.

Bahebërë 7:26

Yeŧu awooŋ keeri naşih i baţeŋan i ŋnumiiŋ. Ayimani, aanjuban nin, ajinţ ţi këş ki Naşibaţi, apën ţi bado buţaan adeeŋana du baţi duuţ.

Bahebërë 9:28

Kë hënk kak di di Kriŧtu awuluŋ uleeful byaaş bloolan, Naşibaţi apënanaan ipekadu yi bañaaŋ baŧum. Aluŋ kapën kawinana uyaaş utëbanţën, aankbi bi ppënan ipekadu yi bañaaŋ, abi bi pbuuran te mnţo bankyoonkuŋ ubi wi nul.

1 Piyeer 2:22

Aambaaŋ kajubanaara aambaaŋ kahaabana mntum kaguur ñaaŋ.

1 Yowan 3:5

Kë naşë me kë Kriŧtu abi bi pa ppënan nja ipekadu, abot awo aanwo na pekadu.