Bahebërë 2:17 - Mankanya

¹⁷ Kë hënk di awooŋ kakak ñaaŋ najën ji bayiţul, kahilna kawo naşih i baţeŋan anjaaŋ añaga abot aji do uko wi Naşibaţi ajakuŋ. Akeţ keţ Naşibaţi ahilna amiir ipekadu yi bañaaŋ biki nul.

Bahebërë 2:17 ပူးပေါင်းရင်းမြစ်များ

Bgah 14:18

Ukëra undukiiŋ ţi kañen ki nul, ajej wa kakër ankdolanuŋ bañow ţi bkow kaşë kado iko injaaŋ ido pa bañow bi ñaaŋ anţopuŋ ţi kadun ki Yawe Nawat Kabuka.

Bgah 16:16

Hënk, ado du dko dyimanaan maakan duŋ jibi bajaaŋ bado pa pjinţan da ţi pţop pi biki Iŧrayel baţopanuŋ da na pjuban pi baka na ipekadu yi baka bŧi, wi wi aşaaŋ ado haŋ kak pa kaloona ki bayiti ţiki katan ţi pŧoof pi bañaaŋ banwooŋ baţop.

Bgah 8:15

kë Moyiŧ aşë faal wa. Ajej wal mënţ pñaak na pkoñ aţu ţi itiim inwooŋ ţi ibaŋ yi bliit bi mngur kadolna ba bajinţ ţi këş ki Nawat Kabuka ; ajej pñaak atul ţi bliit uţeeh, akakan ba byimanaan kahilna kado da iţeŋan yi ppënan ipekadu.

Baromeŋ 15:17

Ukaaŋ kë wi nkakuŋ i Yeŧu Kriŧtu, dhinan kalilan maakan ţi uko wi nji kalemparuŋ Naşibaţi.

Baromeŋ 5:10

Woli wi ŋbiiŋ awo başoorad Naşibaţi, akak ţi ploolan na nja wi Abukul akeţuŋ pa nja, hum di di akwooŋ aankbuuran nja wi anaţiiŋ ţi pkeţ.

Efeŧ 2:16

Akakan baka kak bukal batëb bŧi ţi ploolan na Naşibaţi, hënk bakak uleef uloolan, wi pkeţ pi nul ţi kruŧ pawatuŋ uko unţuuŋ kë başooradi.

Koloŧ 1:21

An, nabi low Naşibaţi, kë buţaan bi najaaŋ nado na bi najaaŋ naşal kë bado kë naşoorad na a.

Bahebërë 10:21

Ŋkak aka naşih i baţeŋan naweek i Naşibaţi aţuuŋ ţi kadun ki katoh ki nul.

Bahebërë 2:11

Kë Yeŧu, anjaaŋ ajinţan bañaaŋ ţi këş ki Naşibaţi na biki ajinţanuŋ başë ţok bukal bŧi Aşin baka. Ukaaŋ kë aankowa pdo kadu baka babuk aşin,

Bahebërë 2:14

Hënk keeri, kë jibi bañaaŋ mënţ bawooŋ bañaaŋ bajën, hënk di Yeŧu akakuŋ ñaaŋ najën ji baka, ahilna ţi pkeţ pi nul aba na Unŧaayi Uweek unkaaŋ mnhina mi pkeţ.

Bahebërë 2:16

Na manjoonan, mënţ ŋwanjuŧ ŋi ŋi akţënkuŋ, aţënk ţënk babuk Abraham.

Bahebërë 3:1

An bayiţ naan nanwooŋ bajinţ ţi këş ki Naşibaţi kë adatan, natenan keeri ţi Yeŧu. Naşibaţi ayila kë awo naşih i baţeŋan, uko mënţ wi wi ŋfiyaaruŋ akuţ aţup.

Bahebërë 3:2

Ado iko bŧi yi Naşibaţi anţu'uluŋ ulemp mënţ ajakuluŋ ado jibi Moyiŧ adolaŋ iko bŧi yi Naşibaţi aţu'uluŋ pdo ţi katoh ki nul kanwooŋ pntaali pi nul.

Bahebërë 3:5

Moyiŧ awo nalempar Naşibaţi, ado iko yi Naşibaţi aţu'uluŋ pdo ţi katoh ki nul kanwooŋ pntaali pi nul, ajukan uko wi Naşibaţi akluŋ kadiiman.

Bahebërë 4:14

Name kë ŋka naşih i baţeŋan naweek anyaaŋ te du baţi : ul awooŋ Yeŧu, Abuk Naşibaţi. Ukaaŋ kë ŋwo kamëban kaliinŧ ţi uko wi ŋjakuŋ aji ŋfiyaari.

Bahebërë 4:15

Naşih i baţeŋan naweek i ŋkaaŋ aji miir nja ţi pbiişna pi nja ţiki bawuuka ajuban ţi iko bŧi jibi bawuukuŋ nja ŋjuban kë aambaaŋ kajubanaara.

Bahebërë 5:1

Naşih i baţeŋan andoli aji datana ţi pŧoof pi bañaaŋ, ulemp wi nul uwo pdo kaţoor baka ţi kadun ki Naşibaţi, aji ţen kabot kado iţeŋan pa ipekadu yi baka.

Bahebërë 5:10

Na manjoonan, Naşibaţi adu'uluŋ kë awo naşih i baţeŋan ji Melkiŧedek.

Bahebërë 5:2

Ul ţi uleeful aŧum dko di abiinkniiŋ, ukaaŋ kë aji hinan pmiir banwooŋ baammee aşë neem.

Bahebërë 5:5

Kriŧtu kak aannaţa naţa aji ul awo naşih i baţeŋan : ayeenkna pa du Naşibaţi anjakuluŋ ţi Ulibra wi nul : « Iwi iwooŋ Abuk naan, nţa di dţup aji dwo şaaş . »

Bahebërë 6:20

Yeŧu aneej nja da uŧeek, ahilna pţënk nja, akak naşih i baţeŋan te mnţo ji Melkiŧedek.

Bahebërë 7:26

Yeŧu awooŋ keeri naşih i baţeŋan i ŋnumiiŋ. Ayimani, aanjuban nin, ajinţ ţi këş ki Naşibaţi, apën ţi bado buţaan adeeŋana du baţi duuţ.

Bahebërë 7:28

Bgah bi Moyiŧ babi do bañaaŋ bajën banjaaŋ babiişna kë bawo başih biki baţeŋan. Kë kamehna ki Naşibaţi kambiiŋ ţi kafeţ ki bgah kaşë do Abukul andoluŋ iko bŧi yi aţu'uluŋ pdo kë awo naşih i baţeŋan te mnţo.

Bahebërë 8:1

Na manjoonan, uko unkaanuŋ udooni ţi uko wi ŋkţupuŋ uwooŋ : ŋka naşih i baţeŋan anyaaŋ aţo du baţi du kañen kadeenu ki pţij pi pşih pi Naşibaţi.

Bahebërë 8:3

Naşih i baţeŋan andoli baţoorana ţooran ado kado uţen na iţeŋan ; ukaaŋ kë Kriŧtu kak awo kaka uko uloŋ wi akţenuŋ.

Bahebërë 9:11

Kë Kriŧtu aşë pën awinana ji naşih i baţeŋan andoluŋ iko inuura yi Naşibaţi abomanuŋ nja kë iwinanaa ; aneej du kaloona kanwoonuŋ kaweek, kanwoonuŋ kayimanaan. Kaloona mënţ kaambomanaan iñen yi bañaaŋ bajën, kaanwo ki umundu umpaşaniiŋ wi.