Bahebërë 12:28 - Mankanya

²⁸ Hënk, wi ŋkyeenkuŋ uŧaak unwooŋ uunkşinţar, nawulën ŋbeeb Naşibaţi, ŋdëmana na pfiyaar na palënk, uko mënţ ulila.

Bahebërë 12:28 ပူးပေါင်းရင်းမြစ်များ

Kañaam 2:11

Nadoon kalempar Nawat Kabuka nawo ţi palënk, nadoon kaţi Nawat Kabuka nakat kat naşë nawo ţi mnlilan.

Bgah 10:3

Moyiŧ aji wal mënţ na Aaron : « Mënţ uko wi wi wi Nawat Kabuka abiiŋ aţiiniyaan wi ajakuŋ : “Ddiiman bañaaŋ bankñognuŋ kë nji dyimani. Ddiiman ţi kadun ki bañaaŋ bŧi mndëm mi naan ?” » Kë Aaron ayompi.

Maci 25:34

Wal mënţ wi wi naşih aşaaŋ aji na banwooŋ ţi kañenul kadeenu : “Nabiini, an biki Paapa awuluŋ bnuura bi nul, naneejan ţi Pşih pi Baţi pi Naşibaţi abomananaŋ wi umundu upaşnuŋ.

Luk 1:33

Ul akluŋ kaţijan pşini pi Yakob bŧi, te mndani. Pşih pi nul paankluŋ kaba. »

Baromeŋ 11:20

Hënk da. Inah ifalana falana ţiki yaanfiyaari, kë iwi işë wo dko di iwooŋ ţiki ifiyaari. Wutan keeri kado kahomp, ţëpan ţëp ido kalipara.

Efeŧ 1:6

Najoh keeri ŋyeeh mndëm mi nul na bnuura bweek bi aţëpnuŋ ţi Kriŧtu i amaganuŋ, awul nja.

Efeŧ 5:10

Nakeerin nado kala pme uko unliluŋ Ajugun.

Filipiya 4:18

Dyeenk iko yi nnumiiŋ bŧi, ido pel kanuma ki naan. Dŧumandëni, hënkuŋ wi nyeenkuŋ iko bŧi yi nayiluŋ Epafrodit aţijën. Iwo ji pţëkëñ plil pi bţeŋan bi Naşibaţi adiiŋ abot alilandër.

Bahebërë 10:19

An bayiţ naan, hënkuŋ keeri ŋme bnuura kë pñaak pi Yeŧu pantuliiŋ pado kë ŋhil kaneej du dko dyimanaan maakan,

Bahebërë 13:15

Ţi katim ki Yeŧu nawulën ŋwut kaţañna pdo kado uţen pa Naşibaţi, unwooŋ iyeeh injaaŋ idëmana ; iyeeh mënţ ipënna ţi mntum mi nja ŋndinanuŋ kë awo Ajugun.

Bahebërë 13:21

aţënkan naka iko bŧi innuuriiŋ nahilna pdo uko wi aŋaluŋ. Dñehan Naşibaţi ado nja ŋlila wi ŋwooŋ ţi ploolan na Yeŧu Kriŧtu. Nawulën ŋdëmana te mnţo ! Uwo haŋ.

Bahebërë 3:6

Kë Kriŧtu aşë wo abuk katoh i Naşibaţi aţuuŋ ţi kadun ki ka. Nja ŋşaaŋ awo katoh mënţ woli ŋmëban akuţ ahaţ ţi a, alilan ţi uko wi ŋhaţuŋ.

Bahebërë 4:16

Nawulën keeri ŋñog na mntëŋ Naşibaţi anwooŋ ajug bnuura, ahilna añaga nja ŋkuţ ŋyeenk bnuura, kahilna kaţënkana ţi wal wi ŋknumiiŋ.

Bahebërë 5:7

Wal wi Kriŧtu awooŋ ñaaŋ najën ţi mboş, añehan akuţ akooţ na idiim iweek na mnkuul Naşibaţi anhinanuŋ kabuurana pkeţ. Kë aŧiinka ţiki aji ţaşa bnuura.

1 Piyeer 1:17

Woli nañehan, naji nadu Naşibaţi kaji Paapa, aji awayëş ñaaŋ andoli ţi uko wi adoluŋ, bë aanji paţşër. Ukaaŋ kë nawo kadiiman ţi mnwo mi nan ţi ŋnuur ŋanduki'anaŋ ţi mboş, kë nadëmana bnuura.

1 Piyeer 2:20

Kë woli najubani, amiir kakob ki bakobanaŋ, mndëm mnhoŋ manwooŋ da ba ? Kë woli bahajanan te nado do bnuura kë naşë miir, uji uwo bnuura ţi këş ki Naşibaţi.

1 Piyeer 2:5

Nawutan Naşibaţi ajejan nawo kak ji pnduba panwooŋ pjeb pankniwnuŋ katoh ki Uhaaş wi nul ukfëţuŋ, nawo pntaali pi baţeŋan pyimanaan kadolna uţen na iţeŋan inkliluŋ Naşibaţi jibi Uhaaş wi nul uŋaluŋ. Yeŧu Kriŧtu akdooŋ uţen na iţeŋan mënţ ilil Naşibaţi.

Uko wi ayuujuŋ Yowan 1:6

Ado nja kë ŋwo pntaali pi baţeŋan banwooŋ başih aşë lemp ţi kadun ki Naşibaţi Aşin. Mndëm manwo ţi a te uba umundu ! Aşih te mndani ! Uwo haŋ !

Uko wi ayuujuŋ Yowan 15:4

Iwi Ajugun, in awooŋ aankdo kaţi'u ? In awooŋ aankdo kadëman katimu ? Iwi ţañ iyimanuŋ. Ŋŧaak bŧi ŋabi kaŋup kadëmanu ţiki bañaaŋ bawin kë iko yi ikdoluŋ iwo iŧool. »

Uko wi ayuujuŋ Yowan 5:10

Ido baka kë bawo pntaali pi baţeŋan banwooŋ başih aşë lemp ţi kadun ki Naşibaţi, bankşihuŋ ţi mboş. »